MAZMUR 7:4 - ALLAH NIHYET MEM TUNGWATU NYA

⁴ Ditde tuhan Allah e, gino dingon koi ba,

MAZMUR 7:4 ပူးပေါင်းရင်းမြစ်များ

NITRITI 44:4

Tirigi ijo leu minu ndig dima bimbut imig biyuug ei ting leu minu ndig dima bigyo lene Yusuf cuk nide awak pima bipai “Abipbur ba, ahuk bram yo dima. Gino ahatap yok lene ma ahig singgre yok bipia nggon rino ibuhup kin gi kinei bida drek dip gi dingondut yok i?

NITRITI 44:9

Andigpoi e, gino angat mok perak dima bijo ei nyeni nigom nide kronti lene no dima mitug ndei hukum nimai hak ug leu api nye di nindigsi mininok awak mem na di Andigpoi.”

SAMUEL GI NICAN 16:8

Apos Saul de ninyeng tak kepti tu. Apino nogindini atug ndei hukum leu tuhan drek dip gino ayai nimai bak Saul nide bat nya imang bibor tu. tuhan kes anyeng tak kep ade limwa nya ei apmot di Absalom nindati tu. Ma amai hak ug drek dip gino ahwen nimbiam igkei a!”

AYUB 31:22

ma hi bindei ba, dinda pang nya hacem dahat leu ba, ntun dinghat him bu bi hak ug.

AYUB 31:7

Gino disrawir leu puig di igbit cem diba doho rok mun di kinei cem sisar di nok map kui dindati cem lene,

MAZMUR 109:5

Iba gi kinei bibuhup dikei sut yokti ba, iba ingon di sibui sut da bibuhup dingon ngakei yoti.

MAZMUR 55:20

Allah di ninyeng tak kep mun nyeng hagom habiei ei nimbie him kikau kwei bipek ammani kep mimiap dihyet ba, bindei timek yok. Lewo ikou sut gi ittin ser ide sisar. Iba yoho rok Allah ba, igittin tut Noni cem bi.

NIPINGOK NINGONTI 17:3

Tukan nya iba hum bibingon mas kin perak nitu noro tuhan binai sut tungwatu nya ingonti.

KISAH 16:28

Noro Paulus ba nihyet nindig bimbrua ser noni bipai “Adat nanti au! Nahagom rini yo!”

SAMUEL GI NIGOM 20:1

Lene Daud nang leu Nayot dideu minu ndig Rama buug um Yonatan ba, hig ser noni “Dibon mun tunggwei nok mindei ngan i? Dibon sisar mindei ngan tut acig di bindei dino noni bungwam mem gima yai nimai bida hanyen i?”

SAMUEL GI NIGOM 22:14

Leu api Ahimelekh buhup “Noro Daud ne Na di Anyeng Jei ade nibou tentara di ningon gom dor njiriek nindigsi nya ri. Noni ne Na di Anyeng Jei apmang ningat ri. Noni ne nibou tentara di igya ser Na di Anyeng Jei ide nibou rin ba, nibou di igya kui na di ingat rin ei ade ig yahagom ibou cut bak noni bibor.

SAMUEL GI NIGOM 24:7

Leu api noni pai bak nide limwa nya “Nnaba tuhan kuk da leu ba, dibon mun di mbuk tut ditde nibou ndig po tuhan ta ei su pima au. Suar doom dingon tut leu binhyepo di bon mun nyeng gom tunggwei sut noni bi lewo tuhan ta noni nok nibou ndig tu!”

SAMUEL GI NIGOM 26:21

Leu api Saul buhup “Daud dipmot na e, dibon mun tunggwei sut na tu noro ma akwei hanyen. Midibon mun di kinei tut nani bu bi. Lewo aom angonti tut da ba, asindui sut bidiyaijo ei mmun di aponi pima. Dingon mbum jit ba, dibon mun tunggwei sut nani nindig bibor tu.”

SAMUEL GI NIGOM 26:24

Handei kon ba, tuhan minyohou da biteu da leu mun di mbuk nya hagom noyam kin gi po doom dingonti tut na di Andigpoi bidisindui sut di ayaijo aponi pima tu.”