MAZMUR 69:7 - ALLAH NIHYET MEM TUNGWATU NYA

⁷ tuhan Di Sindem Bibor e, ma asindui sut ba, nimmai kui yo di iba ingon com Nani au. Na di mben Israel ide Allah e, ma asindui sut ba, dihyet tigut yo di ikuk yok biNani au!

MAZMUR 69:7 ပူးပေါင်းရင်းမြစ်များ

MAZMUR 44:15

Abindei ba, ninok mun di ngkiai nya isimbot kep nyen di ibiba lor yam. Ikit ibou leu nye ba, ighyet wer mpiahi tut nye cem.

MAZMUR 44:22

lene jo nibreisi bipia Na di Allah akan tut. Lewo akan bidem mimun di niku ei ningonti hagom.

YESAYA 50:6

Dikes dinghim bak yo di ibui da bidikiek dingyoi bak yo di itiba duhui nta. Dikiek doho ter leu yo di inim kep da di itrai sut da bi.

YESAYA 53:3

Nyeni ighyet kinei sut noni biyoom nye leu noni. Noni yai niwei kin nidut biborti. Tungwatu nya iba ingha bak noni ba, nyeni cem ingon llei sut noni bi.

YEREMIA 15:15

Lene dipai “tuhan e, hagom jo nibreisi mem Na. Ma ayok ngon kep da ba, ampu da cem. Ma abirop hanyen bak yo di ihwen bit da kin yo di ico kep da. Ma aom angon tut yok kikau bihwen da au. Ma akan kep bipia yo dima ingwes pri gau da drek dip anyenga.

LUKAS 23:11

Herodes kin nide tentara nya iba Yesus bikek ba, iba ighyet bicig Noni cem. Ijuk sinsun ndok di jei di nibok kak ei Noniti leu api Herodes pinak Noni bingkwei hanyen ug ei Pilatus noho bei.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.