MAZMUR 69:18 - ALLAH NIHYET MEM TUNGWATU NYA

¹⁸ Ma aku Nanti nding leu Ade awak niyai him au. Mun di buhun bibor buhun tak da. Gima rino ma abuhup dihyet nogindini hak ug.

MAZMUR 69:18 ပူးပေါင်းရင်းမြစ်များ

MAZMUR 10:1

tuhan e, nggon rino Nani ting bibor i? Nggon rino aku Na leu nye mpe di mun di buhun om kep nye i?

MAZMUR 111:9

Noni kwek Nide limwa nya leu awak lene ba nipreu ninghig-niker bipreu ei mem yok. Noni ne tuhan di kwes-kwau ba, sindem bibor cem ri!

MAZMUR 143:7

tuhan e, abipbur ba, abuhup dihyet lewo dingon wei bibor. Ma aku Na bijo nding leu da au. Leu gi nok ne didem kep yo di ijuk ug ei minu nimai ide.

MAZMUR 22:1

Doia Daud mem no di bie tut doia nimpung. Bit leu nihyet nibikiek Rusa Mpe Di Mpia Pri Bicom Nimigsi.

MAZMUR 22:12

Ma ambres Na ei minu ting leu da au. Lewo ditde siceu nya imbris nyahan bikwei dideu su noro hi mpu da bi.

MAZMUR 22:19

Yoni iko binggok tut ditde sinsun bikwas hagom tut yam.

MAZMUR 22:20

tuhan e, ma ambres Nanti ei minu ting leu da au! Abrim amig ba, akwei teu da bidingwes ngun lewo Nani ne ditde nisindemti ri!

MAZMUR 27:9

ma aku Nanti nyahan leu da au. Anghek da ba, akou sut da cem au. Lewo Nani rino ampu da. Allah e, ateu da leu sisar ba, ayai niyaijo nijep bida tu. Gima rino ma akes da ei au.”

MAZMUR 31:5

Ateu da leu bansi di ikim mem gima ibisrou da. Lewo Nani ne mpia di digwam coi ri.

MAZMUR 49:15

Yoni mitug ndei nimai dem kep nok domba nya ba, yahagom minut puig di bie ndam jui nsi dem kep nok gembala hi bie tut yok ug ei siri. Yo di ingon sren nya mibindei timek yok mem njap bigyoti leu api ingut mikroi srig yo di imai nya ikieti ei minu ting leu itimieisi di kei-kau pima.

YEREMIA 14:8

Nye di mben Israel niyok ningon mem Nangkom. Nangkom rino ateu nye ba, ningwes ngun leu mun di buhun bibor. Nggon rino abon Nanti nok ngkiai ei nyende minu dini i? Nggon rino anok no di mbut binggi minu ba, kwei bong bit nye mem mmun gom ngat he i?

NIBWOS-BWOS NYENTI 3:57

Lene amiap ditde nadi leu api akwei dideu da ba, apai ‘Adigit tut au.’

NINDAT KEP TUHAN NICUKTI NYA 32:27

Noro dikou sut gima ide siceu nya inggei sut yonti bikan bipia yonti rino ico kep Ditde limwa nya bingwig a.’ Lewo Da di tuhan ridibindei ba, Ditde limwa nya icut bak ide siceu nya tu.

YOSUA 7:9

Mben Kanaan kin yo di nindigsi nya ei minu dini mimiap tut nyeni ninghapti leu api migyon ttai nye bigyai nimai bak nahagom hak ug! Leu api abon mindei mem gima abicuon Anyeng Di Jei i?”