MAZMUR 68:17 - ALLAH NIHYET MEM TUNGWATU NYA

¹⁷ Nggon rino Nungug Basan di bon ninggram him nya mang bibor ningon kinei sut Mbigdip Sion i? Allah dimig Mbigdip Sion binok Nide mpia di bong eisi ri. tuhan mibong ei mpia dima bijo ninno bijo kikau.

MAZMUR 68:17 ပူးပေါင်းရင်းမြစ်များ

NIBOU NDIG NYA GI NICAN 2:11

Yahacem imbrap bit yam kak puig dima. Lene kuda nya di ikri kroba pran gom tau kros ei ikieti lo, kuda kin kroba dima dem kep nok hum di ninjeng srei. Lene tuhan ba hou di sibui-sibui nyen bikon Elia ug ei gwamti.

MAZMUR 18:10

Noni bindei kki mpia-bbed him leu api juk kwei bico bumbuhui di dindi-kai dip.

MAZMUR 9:12

Jikwei ba, inggei sut tuhan di ninyeng tak kep limwa nya ei Sion! Jipui sut nibon munti nya bak ngkiai nya yahagom!

NEHEI LEUSI 3:5

Lene Allah pai “Aya ayati hak. Akwei dideu Da au. Akwek ade srop leu amig jou lewo mpia di ayati dima kwes-kwau.

YESAYA 2:2

“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

YEHEZKIEL 43:7

“Na di tungwatu di ayaijo kikau bi e, gini ne Ditde banggo mbrei ri. Midibong ei sirini ei limwa Israel ikieti ba, dinyeng mitak kep yok bijo ninno bijo kikau. Yoni kin ide nibou ndig nya mibindei ba, map kui dinyeng kwesti tug hon kwar di ikuk yok bak ba, itig nibou ndig nya ei mpia dini bu bi.

YEHEZKIEL 43:9

Noro hon ammani bikui ne suar ikes hon ide nikuk no bak kwarti nya leu ba, iket nibou ndig di ide nya ingut leu mpia dini. Gima leu api midibong ei ikieti bijo ninno bijo kikau.”

DANIEL 7:10

Hum dwim kwei leu banggo mbrei dima noyam kin minyei di biam kwei leu minyei bousi. Nide awak nya ibou sribu-ribu kin tungwatu nindigsi di imangti ibou juta-juta igya ei nimig him. Tto bou dem mem nikei mbus tungwatu nya ingonti leu api noni mbrek leu srat nya.

HABAKUK 3:8

tuhan e, muk ngei bindei ba, angon sibui e, he minyei di biam nya bindei ba, agga bibor e, he notou i? Abri ba, agwam bumbuhui dip noyam kin no di bri kuda di brim kroba pran mpe dino abindei ba, Ade limwa nya ihwen siceu nya bibindei timek yok.

MATIUS 26:53

Angon kan bipia mbigom dahara Dicig bicuk malaikati nya nimpung simnaibrimigcan bidor njiriek kwei bimpu Da bi e?

NINDAT KEP TUHAN NICUKTI NYA 33:2

“tuhan tau kwei leu Nungug Sinai. Noni kiju leu minu Edom nok mpia di pri bipiga digai Nide limwa nya nok mpia di com kwei leu Paran cem. Nide malaikati nya ibou sribu simnai igya tut Noni lene hum di cig-cai ya kui ninda com.

NINGAT-HI-NGAT NYA 5:11

Leu api diyai bong kep yok hanyen bu bidimiap malaikati nya ibou sribu-ribu kin juta-juta cem ighyet. Yo dini idis yam bingwig ttai banggo mbrei kin mindhe ningut bitai pima kin nibou nya.

NINGAT-HI-NGAT NYA 9:16

Hi mbot kep bida tut tentara nya di ibri kuda imangti bipia imangti ibou juta sratus can.