MAZMUR 66:3 - ALLAH NIHYET MEM TUNGWATU NYA

³ Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

MAZMUR 66:3 ပူးပေါင်းရင်းမြစ်များ

MAZMUR 18:44

Akwek da bidingwes ngun leu nimpung di ibit Ade nicukti bi nya inda nsi leu api akon da bidinok no di ninyeng tak kep ngkiai nya. Ngkiai nya di dikan tut bi nya cem inok ditde awak bu tu.

MAZMUR 18:45

Ngkiai nya ibou cut bidani. Gino imiap dicukti nya lene ice tut bibit hak ug.

MAZMUR 47:2

Jahagom e, ma jiba jingon di llei bibor bittem jinda. Ma jiba nimbos-hi-mbos binggei sut Allah tug hon doia nya!

MAZMUR 65:5

Yo di adimig yok ei su nya ingon llei bibor lewo abuwak yok bibong kikau kep Ade Ig. Nyeni nijoi sut mun di kei di anjei bak nye ei Ade Ig di kwes-kwau di abong ser dima.

MAZMUR 68:30

Nibou ndig nya ittei ide munkwas nya binjei bak Nani ei Ade Ig ei minu ndig Yerusalem.

MAZMUR 76:12

Jiyai bipek kep mun di jipreu ei mem Allah bak Noni. Ma mben ngkiai di ibong ttai je nya yahagom ittei ide munkwas kwei mem Allah di tungwatu nya ittin tut a.

MAZMUR 81:15

Gi nok lene midibindei ba, siceu di ide nya indun bou ba, dibindei timek ide siceu nya yahagom cem.

NEHEI LEUSI 15:21

Lene Miryam kon doia mem yahagom imiap bipai, “Jikwei ba, yahagom ipai doia bibinggei sut tuhan lewo Noni bindei timek mben Mesir bihigom tu. Noni com kuda nya kin yo di ibri kuda nya yahagom ug ei minyeiti tu.”

YESAYA 2:19

Mpe di tuhan kiju bibindei ba, dihyei ugwa-kwei ne tungwatu nya minang ba, yuug ei nungug nya biku yok ei hak mihyeti kin jui nsi ei dihyei jou nya cem leu binhyepo ingwes ngun leu tuhan niggati kin Nide nisindemti di nindig bibor nicig-caisi. Mpe dima cem yoni micom ide kwar di ikuk yok bak nya di iba perak kin mas bibon ei ba, ncup kin hakom nya mitot yaham eisi.

YESAYA 25:3

Mben ngkiai di isindem bibor nya mikon anyeng ba, timiei nya mittin tut Na bidem minu ndig nya di mben di isibut bibor ide cem.

YESAYA 40:26

Ma acap ser mpia-bbed him ba, ayok ayai kep! Tou ripai tes ham mpia-bbed him nya i? No di nyohou dimig ham hagom bidem kep nok tentara kan bidem tut nimangti jem inyeng bibikwop hagom! Bit bon ham gom pror kan bi lewo tuhan sindem mem gima nyohou ham nya hagom!

YESAYA 64:3

Tirigi po ajuk kwei pima lene abon mindur di buhun bibor di nyeni nikan tut nipou ei bi. Leu api nungug nya ugwa-kwei ei Aho bei.

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (