MAZMUR 66:12 - ALLAH NIHYET MEM TUNGWATU NYA

¹² Asindui sut ba, nyende siceu ico kep nye nyen-nyen. Nisigon minyei di su bibor kin hum di njeng bibor. Noro tini bu ne abuwak nye kwei ei mpia di kei ba, nibong kei nigwam kei tu.

MAZMUR 66:12 ပူးပေါင်းရင်းမြစ်များ

SAMUEL GI NICAN 15:17

Tirigi nibou ndig kin nide limwa nya yahagom sindi yehei leu minu ndig Yerusalem lene igya hak ei ig di jo nohon keti.

AYUB 36:16

Allah kwek nani leu mun di buhun bibor apino abong kei agwam kei ba, ade meja niyem njita eisi mpung bibor tut njita di mmau kei.

AYUB 5:19

Gino mun di buhun bibor om kep na lene Noni miteu kep na leu ba, angwes ngun.

MAZMUR 33:19

Noni teu yok bingwes ngun leu nimai binyohou yok ei nijam di ninggum hwen tungwatu nyati.

YESAYA 51:23

Midiyai ninghuisi wei dima bak yo di ico kep je kin yo di icuk je dino jibong dihyeiti kin yo di ico kep je nyen-nyen bibindei ba, jinok puig di tungwatu nya ico kak nya cem.”

DANIEL 3:26

Leu api Nebukadnezar ug ya kui mihyeti di itu ei tong nsi di hum cig-cai eisi dima bahara “Sadrakh kin Mesakh kin Abednego e, jo nibreisi mem da bipia jeni ne awak mem Allah Di Ninyeng Jei Bibor ri! Jibipbur bijehei kwei leu hum di cig-cai dima!” Lene yehei leu tong nsi hak ug.

LUKAS 16:25

Noro Abraham buhup ‘Dipmot na e, ma ayok ngon kep bipia tirigi ayaisi jo yo ne ade mun di amati nya hagom kei bibor kei noro Lazarus ma mun nyeng di kinei nya he. Nogindini noni ningon kei bibor kei ei mpia dini noro atug ndei anghuisi wei nindig bibor.

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

YAKOBUS 5:11

Ipai sut yok bipia ingon nggei-hi-nggei lewo ingon jo nyahan tut yo di ihwen bit yok. Jikan tut Ayub di ningon jo nyahan leu api Allah njei mun di kei bak noni drek dip ug e. Lewo Allah ngondut nye nindig bibor bisingat tut nye di tungwatu.