MAZMUR 66:10 - ALLAH NIHYET MEM TUNGWATU NYA

¹⁰ Allah e, abingon nye noyam kin tukan nya ikwen perak nitu ei humti bibindei ba, pimbai kei.

MAZMUR 66:10 ပူးပေါင်းရင်းမြစ်များ

AYUB 23:10

Mbro nok gima lo, Noni kan tut dimbutti kin dicoti nya hagom. Gino Noni bingon da dem kep nok tukan di ikinding mas pimbai kei lene mijo nibreisi bipia dingon kwes kei.

MAZMUR 17:3

Tirigi ambus dingonti ba, akwei ngig ayai kep da mem mmun lene angat bipia dingon sren-srau. Ditto ei bidanti bipia midiyai mun tunggwei tug hon dihyet di tibim ei duhui him bi.

NIPINGOK NINGONTI 17:3

Tukan nya iba hum bibingon mas kin perak nitu noro tuhan binai sut tungwatu nya ingonti.

NIPINGOK NINGONTI 25:4

Gino ibindei pwoi perak ei komfor di ibindei perak jep oi eisi nipou ug e leu api bon tukan perak bibon mun di dia-diau kei bou ninda him.

YESAYA 48:10

Diba ninghuisi wei di noyam kin hum bibingon je noyam kin perak di tukan kwen ei humti bibindei ba, pimbai kei.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

MALEAKHI 3:3

Noni mikwei kes hukum ei tungwatu nya dip noyam kin nikinding ngkimom cig di ndig perak kin mas kep hum bibindei ba, mumpiang joti bi. No di tuhan pinak kwei mindig imam nya ingonti kep hum leu binhyepo ibon midut di igbit tuhan ningon kanti bikuk yok bak.

NINDAT KEP TUHAN NICUKTI NYA 13:3

ma jingig jitingou mem nihyet au. Lewo tuhan di nok jide Allah ba no dima bibingon je leu binhyepo Noni mikan tut bipia jiba jingon titut bingon ngakei Noni e, he bi e.

NINDAT KEP TUHAN NICUKTI NYA 8:16

Noni yai manna di nok njita bije ei iggum ndigsi. Hon kep mpe dima nimo jug ne jidigup bat-jidigai bat nya igyem njita nok gima hi bi sren. Noni ba mun di buhun bibor bibingon je leu binhyepo bikan tut jingon kanti nya. Gima hagom nok leu binhyepo Noni miyai gi kei bije ei nidipti bu.

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.