MAZMUR 65:8 - ALLAH NIHYET MEM TUNGWATU NYA

⁸ Akimut anda kep sigau di kui muk ngeisi bibindei ba, muk di tti nindig bibor hagom kes hon leu api mpia mbum-bra. Abindei bu ba, tungwatu nya di ighyet ngwig kep yam ikes hon ba, ingon jo nyahan.

MAZMUR 65:8 ပူးပေါင်းရင်းမြစ်များ

NITRITI 8:22

Tirigi dihyei jo nijoti kikau ug bipek ningwig honti lene mibon nituti mem tungwatu nya igyai miai cem igyai njita ba, bon nituti mem mpia mmou kin mpia wam kin bed di biang mpia ngei kin bed di biang biget kin mpia njap kin mpia mmun hagom.”

AYUB 38:12

Ayub e, abindei ba, mpia com mem njap bigyoti mbigom tu e, he bi e?

MAZMUR 107:29

Noni bindei ba, hou di nimig ten bibor kes hon ba, muk ndigsi di roi bibor cut leu api mpia mbum-bra hanyen.

MAZMUR 126:2

Ikwai tiei ba, iba ingon di llei bibor bipai doia. Ngkiai nya ipai sut nye “tuhan bon mindur nindig bibor mem yok.”

MAZMUR 135:9

Noni bon mindur kin bindo nya mang bibor mem gima bikes hukum ei nibou ndig kin yo di igya kui noni yahagom dip.

MAZMUR 136:8

Mpia njap ninyeng tak kep njap. Nide ningon ngakeisi jo ninghig-niker.

MAZMUR 148:3

Mpia njap kin bed mmun e, ma jinggei sut Noni! Ham mpia-bbed him di jimjit nya e, ma jinggei sut Noni!

MAZMUR 19:5

Noro ighyet tibim kikau ug ei dihyei nisurti-nipekti. Ipaisi tibim ug bipek minu nohon keti. tuhan ngot ig ei mpia-bbed him mem mpia njap.

MAZMUR 2:8

Ahara Da hak ug leu api midikes ngkiai nya bidem dihyeisi dini hagom bina lene ma anyeng tut dihyei nisurti-nipekti hagom nok ade cem.

MAZMUR 65:13

Susti nya mpung tut kambir kin domba nya. Abindei ba, nungug tou nya noyam kin no di ningon llei bibor.

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

MAZMUR 74:16

Apai tes mmun kin njap ba, abidimig mpia njap nijoti bijo ter leu bed mmun nijoti cem.

MAZMUR 89:10

Anyeng tak kep muk ndigsi di roi bibor. Abindei ba, muk di tti bibor kes hon ba, mpia mbum-bra hanyen.

YESAYA 17:13

Ikiju binjei siceu bidem kep minyei di su di kui mpia bibor. Noro Allah sok kep yok leu api inang biyuug ninno noyam kin pas nicap di bit hou nimig kin dihyei ntui di hou sigau miep di bit nimig.

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.

NINGAT-HI-NGAT NYA 11:13

Mpe dima ne dihyei ugwa-kwei nindig bibor lene minu ndig dima nittou nsi gom sar lo, nittou nsi muhwindatai jo nijoti. Ba, tungwatu nya ibou sribu muhwindacan cem imai bingwig. Leu api nindigsi nya idigit tut nindig bibor binggei sut Allah Di Sindem Bibor ei gwamti.