MAZMUR 65:5 - ALLAH NIHYET MEM TUNGWATU NYA

⁵ Yo di adimig yok ei su nya ingon llei bibor lewo abuwak yok bibong kikau kep Ade Ig. Nyeni nijoi sut mun di kei di anjei bak nye ei Ade Ig di kwes-kwau di abong ser dima.

MAZMUR 65:5 ပူးပေါင်းရင်းမြစ်များ

MAZMUR 107:23

Bihi itug ndei imuhup tug hon midyai timiei kibar nsi bimbut-mbut nyen ei muk ngwa dip.

MAZMUR 145:17

tuhan ba ningon di sren kin ningon di nggriu biyai kep Nide midyai nya hagom.

MAZMUR 22:27

Nuhui mbum nya mikwei yem njita bindei yok bit leu ingon kanti. Yo di induk yam kwei ndam Na yahagom minggei sut Na di tuhan. Dijoi sut gima jibong kei jigwam kei bijo ninno bijo kikau!

MAZMUR 36:9

Ingon cut hon njita di mpung bipias hagau ei Ade Ig. Asindui sut ba, nidut minyei di biam kwei leu angon singat tut nyeti.

MAZMUR 45:4

Nibou ndig di sindem bibor e, akri ade singau simeda kin antig bou a. Nani akei-kau-kei ba, ade nipigati piga kei!

MAZMUR 66:3

Jipai bak Allah “Abon munti bibon ninggap leusi nijit-jau a! Ade nisindem biborti mipbor ngat. Gima rino Ade siceu nya iba ingwak bikik dihyei ba, idigit tut Na bibor.

MAZMUR 84:5

Yo di ibong ser Ade Ig ingon nggei-hi-nggei bipai doia binggei sut Na bikwop mmun-njap.

MAZMUR 85:4

Agigga yok bu bi ba, abrim Ade nigga biborti hanyen leu yok tu.

YESAYA 37:36

Lene tuhan pinak Nide malaikati gom kwei ei mben Asyur ide prak meng yati mem mmun dima ba, yai nimai bak tentara nya ibou sribu sratus gom ningot muhwindaningai bimuhwi. Njap tekti lene tungwatu nya ingat lo, imai biwer nimbiam sinsiou ei dihyei ninjek dip.

YESAYA 45:22

Je di tungwatu dihyeisi dini e, ma jingkwei hanyen ndam Da leu binhyepo diteu je bijingwes ngun! Dangkom ngat he rino Allah ba, allah hiter ningat rin bi.

YESAYA 51:5

Niteu ningwes ngunti di diyai biyok dideu kwei su. Ditde njap nibindei timek siceu nyati mbigom mitau. Dinyeng mitak kep ngkiai nya yahagom. Minu di ting nya ibet ingon mem Da ba, igyok ingon mem Da kin Ditde nibon munti di bibon ninggap leusi.

YESAYA 60:5

Mpe dino angat gima lene ma ayai nillei ba, angon nggei-hi-nggei lewo gima yok hagom mibiwin kep angonti. Ngkiai nya mikon ide ndigban kwei lene kibar minyei mikwei sut mitiei nindig bibor ba, injei bak nani.

YESAYA 66:19

lene midikes mun di bindo ninyeng gom ei ikieti. Mididimig ibou poi di ingwes ngun leu api dipinak yok ndam ngkiai nya di ibong ei minu ting bibor di imiap tut Dani bi sren yo kin gi ingat Ditde ninyeng di jei biborti kin Ditde nisindemti bou igyai him bigyo nya. Midipinak yok ug ei minu Spanyol kin Libia kin Lidia di bon nikri kep tibor cig nya kin Tubal kin Yunani nya. Yoni mitri tut Ditde ninyeng jei biborti ei mben ngkiai dima yok ikieti.

ZEFANYA 2:11

tuhan mibindei ba, ingon ttin bibor. Noni mibindei sar kwar di tungwatu nya ikuk yok bak nya ei dihyeisi dini. Leu api ngkiai nya yahagom mikuk yok bak tuhan bidem yonti ide minu.

HAGAI 2:23

Njap dima ne midikon na di Nibou Zerubabel nok Ditde awak mem gima anyeng tak kep limwa nya gau dinyeng. Lewo didimig nani ei mem midyai dima.” tuhan Di Sindem Bibor simbot dat tu.

ZAKHARIA 9:10

tuhan pai, “Midicom kroba pran bingwig leu Efraim leu api midibindei ba, kuda pran nya ipror bingwig leu minu ndig Yerusalem. Dibindei dahat hampiap hagom bingwig. Jide nibou ndig mikim mbrap tut keret dihyeisi dini bibindei ba, yahagom ingon kwes kin yam. Ninyeng tak kepti ninyanti ug bikep kin muk ngeisi ei nite hi kikau ug bipek kin muk ngeisi ei nite hi ba, bipek kin Minyei Efrat kikau ug bipek kin minu nohon keti.”

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

NINDAT KEP TUHAN NICUKTI NYA 10:21

Ma jinggei sut Noni lewo Noni ne tuhan di nok jide Allah ri. Noni bibon mun di mindur nindig bibor kin mun di bindei ba, jinga leu Noni tut mem je bou jiyai him tu.

NINDAT KEP TUHAN NICUKTI NYA 4:34

Dihig ser je bipia kwar di tungwatu nya ikuk yok bak hi sindem mem gima ug dimig mben gom leu mben nindigsi nya ikieti ei ba, ninyeng tak kep yok e? Noro tuhan di nok jide Allah dimig jeni ei leu mben Mesir ikieti tu. Noni ribindei dino nsuwer ajar kin pran cut igkep yok. Noni bon mun di mindur nya kin bindo nya kin mun di bindei dino tungwatu nya ingon ttin bibor tug hon Nide nisindemti di nindig bibor bou jiyai him tu.

NINGAT-HI-NGAT NYA 16:5

Leu api dimiap malaikati di ninyeng tak kep minyei nya hagom pai “Allah di kwes-kwau e, angat rin annani cem ammani cem ba, hukum dino akes ei tungwatu nya dip dini hagom igbit ri!