MAZMUR 64:3 - ALLAH NIHYET MEM TUNGWATU NYA

³ Anyohou da leu yo di isibut di igyok ingon gom mem da bibon mun di kinei bida kin yo di isibut di inggreu ser da ba, iris mun ei dati nya.

MAZMUR 64:3 ပူးပေါင်းရင်းမြစ်များ

MAZMUR 11:2

lewo yo di isibut di iku yonti ei nidinditi isror tibor bibicom bisinei mem gima iprindei yo di ingon gom nya. E bi! No dima nuhui buwei.

MAZMUR 141:9

Anyohou da leu bon di indin ser da kin liep di yo di isibut dima icom ser da cem.

MAZMUR 57:4

Noni mibuhup dihyet leu gwamti biteu da ba, dingwes ngun. Noni mibindei timek yo di ico kep da nya cem. Allah mindo bipia ningon gom tut da ba, ningon ngakei da bikwop ug.

MAZMUR 58:7

Allah e, adahat ikwai nya. tuhan e, atiba mindhe singa nehen pap dima yok ikwai di tuk leu.

NIPINGOK NINGONTI 12:18

No di ba ningon di ko-ko wai bimbrap ne nihyet sibui hiter ningonti dem kep nok iba singau simeda bidat. Noro no di ba ningon di ki bimbrap ne nihyet di tibim ei nuhui him biyai ninghuisi di sindem bak hiter.

NIPINGOK NINGONTI 30:14

Yo di isibut bibor nya ima mun di bahati tut yonti tug hon nipos mitiei kin ndigban leu yo di yuhui mbum nya kin yo di inghuisi jet nya.

YESAYA 54:17

Noro bit bon minggwen di tukan nya ibon dima sindem mem gima tot na kan bi. Tirigi hi pai kep na ei nikei noho bei lene nihyet minok bu tan lewo ando bindo di bindo pia yai mun tunggwei bak. Midimbrap gau Ditde awak nya bidibindei ba, ihwen ide siceu nya bitimek.” tuhan simbot dat tu.

YEREMIA 9:3

Itindei kep nituti mem gima iris mun bijo kikau. Mun di nijit ninyeng tak kep minu titut yam bi. Noro ningon sren bisi kieng kep minu nisurti-nipekti. tuhan pai “Ditde limwa nya ibon mun di kinei bibor bijo-jo yam dip. Ikon Dani bidinok ide Allah cem bi.”