MAZMUR 63:1 - ALLAH NIHYET MEM TUNGWATU NYA

¹ Doia Daud mpe di noni ningat rin ei iggum ndigsi Yehuda.

MAZMUR 63:1 ပူးပေါင်းရင်းမြစ်များ

MAZMUR 143:6

Disu dinda bidingat nadi biNa. Dingon dem kep nok dihyei di ngak-cai ba, dibimbeu sut Nani.

MAZMUR 84:2

Allah Di Sindem Bibor e, dingon ngakei Ade ig di abong ser dima nindig bibor!

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

MAZMUR 91:2

mipai “tuhan e, Nani ne bor ngug mem da kin No di ya srak ko hagau da rin ba, dikuk da bak Na di Allah bidiba dingon com Na.”

NEHEI LEUSI 15:2

tuhan di ya srak ko hagau da sindem bibor ba, Noni rino teu da bidingwes ngun. Noni nok ditde Allah. Dikuk da bidinggei sut Noni. Noni ne didigup bat-didigai bat nya ide Allah ri. Gima rino dikon ninyeng di jei.

MAZMUR 5:3

Ditde Nibou Ndig kin ditde Allah e, amiap kep dihyet di dahara Nati dini ba, ampu da.

YESAYA 41:18

Midibindei ba, minyei nya biam bidem nungug tou nya di bon njung nghousi. Minyei bousi nya mibiam ei mbang briepti nya ba, iggum ndigsi miluei nitta binok igpong hanyen bu lene minyei bousi nya mibiam kwei leu ninggati.

YOHANES 7:37

Ei njap ningwig honti di bon ninyeng mem Njap Ndig Ig Jibei Mpam Meng lene Yesus kiju biya leu api ba nihyet nindig bahara “Ma no di nggobiau kwei ndam Da bidut minyei.

MAZMUR 118:28

Nani ne ditde Allah rin ba, dipai sigyo biNa biditri tut anyeng jeisi.

NIPINGOK NINGONTI 8:17

Dingon ngakei yo di ingon ngakei da. Yo di inggok ser da mingat da bou igyai him.

MAZMUR 143:10

Angginau da leu binhyepo diyai igbit angon kanti lewo Nani ne ditde Allah ri. Ma asingat tut da ba, abie tut da kak puig di sur yam kei.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

HOSEA 5:15

Midikes Ditde limwa nya ei bidimbut leu yok kikau bibou itug ndei inghuisi di wei nindig bibor drek dip ide sisar ug e leu api ingkwei hanyen ba, iba ingon com Da. Mpaba ninghuisi wei di micut igkep yok dima mibindei ba, ibrim ingkek binggok Da hanyen e?”

MAZMUR 78:34

Bikwop mpe di Allah yai nimai bak ibou poi lene nindigsi nya inso yonti tut bingkwei hanyen ndam Noni.

MAZMUR 42:11

Ighyet di tigut da tereu nok gi ditug midut. Leu api ihig-hig nyen da “Ade Allah No ritou i?”

MAZMUR 31:14

Mun di bindei ba, dingon nde yon ttai da lene ditde siceu nya ide nahamuisi tibim tut hou ban bei. Igyok ingon gom mem da ba, yuhum yam nsi mem gima igyai nimai bida cem.

AYUB 8:5

Noro tini bu ne ma anang coi ninda behei ba, ahara Noni leu binhyepo ngondut na ba, ajem ampon bak.

SAMUEL GI NIGOM 22:5

Mpe dima lene Gad di nabi gom kwei ngat Daud bipai bak “Ma abong ei hak mihyeti dini au. Noro ma anang haninyai ug ei hanjop keret Yehuda ide.” Leu api Daud kiju bijo leu hak mihyeti dima buug coi bigbehei gom ei Keret.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEREMIA 31:1

tuhan pai “Tto bou dem lene midinok tuhan mem mben Israel ide keret nya hagom leu api yoni inok Ditde limwa nya.

YESAYA 35:7

Iggum di dut bibor miluei nitta binok igpong hanyen bu ba, minyei bousi nya mibiam bidem ninggati nya hagom. Cang kin lipig mikieng kep mpia di nipou ne nsien mbrei nya ilus-lus nyen eisi nya.

NEHEI LEUSI 17:3

Noro yo dima inggobiau nindig bibor. Gima rino inso-nso nyen bak Musa bu bipai “Nggon rino abuwak nye kwei leu minu Mesir i? Abuwak nye kwei mem gima nyeni kin nimunggwom bat nya kin mindhe-ndhe nya nahagom nimai sut ninggobiau e?”

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

MAZMUR 119:81

Diyok dingon mem gima ateu da bidingwes ngun ba, diba dingon com Ade nipreu ei mem dati.

MATIUS 12:43

“Tirigi ninnei rom hei leu tungwagom ningonti lene mbut-mbut nyen ei iggum ndigsi binggok mpia dima bong kep ninghuisi eisi lo, ngat hi bi.

YESAYA 32:2

Bikwop yoni yahagom inoyam kin ig jibei di yohok ser hou di kui yokti kin hak mihyeti di icoi bigya nding tirigi sigau yem yok. Yoni idem kep nok minyei di biam sindem ei iggum ndigsi nya kin tring behei ngot di tungwatu nya igwam coi ei iggum ndigsi.

DIUN MIMUN 5:8

Je di sop gwam nitta pilei minu ndig Yerusalem e, ma jipreu ei mem da bipia gino jitau kep no di dingon ngakei lene ma jipai dihyetti bak bipia dingon ngakei bibor ba, biyon ninggwen ei dinda.”

SAMUEL GI NICAN 15:28

Midigwam dideu nisigon kep minyeisi ei iggum ndigsi bibou asok ahyet tut mun di pek kep mem je hwou bida ug e.”

NIBOHON MBEN ISRAEL GI NIGOM 16:14

Ide Allah ne tuhan ri. Nikos tutti nya hagom bon ninyeng mem tungwatu dihyeisi dini hagom.