MAZMUR 62:5 - ALLAH NIHYET MEM TUNGWATU NYA

⁵ Jiyok jingon mem gima jibindei cut ninyeng jeisi. Jiyok jingon gom mem joom biei kep noni lewo jipai nihyet di binjei mun di kei bak noro jiba nihyet di jibisigion noni ei jingonti.

MAZMUR 62:5 ပူးပေါင်းရင်းမြစ်များ

MAZMUR 104:1

Dinnei e, ma anggei sut tuhan! Ditde tuhan Allah e, anyeng jei bibor! Anyeng jeisi kin Ade nisindemti dem kep nok sinsun nibou ndig di ajuk,

MAZMUR 104:35

Nna ba, yo di ibon kep sisar ipror bingwig leu dihyei ninjek dip ba, yo di isibut nya isar bihigom. Dinnei e, ma anggei sut tuhan! Jikwei ba, inggei sut tuhan!

MAZMUR 146:1

Anggei sut tuhan! Dinnei e, anggei sut tuhan!

MAZMUR 37:34

Ma jiyok jingon mem tuhan bijibit nihyet leu api Noni mikon jinyeng leu binhyepo jiba jekep jidihyei. Noni mihwen yo di isibut nya bingwig bou jiyai him.

MAZMUR 39:7

Ba, igyaijoti dem kep ningwes di kigyei he. Mun di ibou sibui sut nya hagom mikui-kausi he. Inju ndigban keyam lo, tirigi imai ne igikan tut tungwa di miba nokep ndigban dima cem bi.

MAZMUR 42:11

Ighyet di tigut da tereu nok gi ditug midut. Leu api ihig-hig nyen da “Ade Allah No ritou i?”

MAZMUR 42:5

Tirigi diyok ngon kep mpe di po diya tut disut bat kin dide bat nya binicoi ug ei tuhan De Ig mem njap ndig bidibie tut yok ne dingon ngguk bibor. Mpe dima lene nahagom ningon llei bibor ba, nipai doia cem ba, niba nimbos-hi-mbos binggei sut Allah.

MAZMUR 43:5

Nggon rino dingon ngguk bibor nok i? Nggon rino dingon buhun bibor nok i? Diba dingon com Allah. Midinggei sut Noni hanyen bu bidikuk da bak lewo Noni teu da bidingwes ngun tu.

MAZMUR 71:5

Lewo diba dingon com Na di tuhan Nangkom he bidiba dingon com Nani habiei leu dipilei kwei tu.

YEREMIA 17:17

Mpe dino mun di buhun bibor cut lene Nani ne mpia di dinang coi ri. Gima rino ma abon Nanti nok mun di biyai ningon di ttin bida au.

YEREMIA 9:7

Gima rino tuhan Di Sindem Bibor pai “Midibingon Ditde limwa nya dem kep nok tukan di kwen ngkimom nitu leu binhyepo idem kep ngkimom nitu di pimbai kei. Mindei bu rima dibon bak Ditde limwa di ibon mun di kinei bibor dinok gima i?

YEREMIA 9:8

Ighyet di tibim leu yuhui him nya buhun bibor ba, dem mem gima biyai nimai bak tungwatu cem dem kep tibor di iba krisieu ngei bidip niyenti cem. Ighyet di indat kep nya mpung tut niris mun ningkom he. Ikes igkep ighyet di mmau kei di brim ingon noro nijit ne ighyet nok bon di indin ri.

MIKHA 7:7

Noro nye di iba ingon com tuhan ne iba ingon di nddong bicem kep puig ser ide Allah nikweisi. Noni mimiap kep ide nadi biteu nye ba, ingwes ngun.

HABAKUK 2:3

Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.

ZEFANYA 3:8

Noro ma jingon sok kep jenti! Jigwam hak bibou njap dima dikiju nok No di pai kep je ug e. Lewo dikos tut mem gima diba mben nya kin ninyeng tak kepti nya bicom yam leu api dikes Ditde nigga biborti ei yok dip tu. Ditde nigga biborti di nok hum di cig-cai miyem dihyeisi dini titut yam bitimek bindung-ndiem.

FILIPI 1:20

Dimpig bou kep mun nyeng gom. Dillei sut bidiyok dingon mem gima ba, diyai mun tunggwei sut Nihyet Di Kei bi ba, mun nyeng gom bindei cut da bi sren. Noro gi dut pap rino suar dibrim dingkek mungkun mem nijam dini kikau leu binhyepo diba diyaijoti kin diyai munti titut yam bindei mbut Kristus ninyeng jeisi tug hon diyaijoti kin dimaisi.