MAZMUR 62:12 - ALLAH NIHYET MEM TUNGWATU NYA

¹² Dimiap Allah nihyet di pai poi su bipia ninyeng tak kep nisindemti titut yam ba,

MAZMUR 62:12 ပူးပေါင်းရင်းမြစ်များ

NIBOHON MBEN ISRAEL GI NIGOM 29:12

Mun di tungwatu nya inyeng tut nya kin ide mun di imati nya kin igyemti nya hagom kwei leu Nani. Anyeng tak kep mun nyeng hagom tug hon Ade nisindemti kin anyeng di jeisi cem. Ade nisindemti dem mem gima abindei ba, tungwa hi ninyeng jei ba, sindem bibor cem.

AYUB 33:14

Mbro nok gino Allah mbrap mbigom mbican lo, tungwa hi gingig nitingou mem nihyet bi.

AYUB 34:11

Noni birop bak tungwatu nya dem igbit igyai munti nya. Bibon bak tungwatu nya bit leu imuhup di mitau biyok.

AYUB 37:23

Ide Allah de nisindemti nindig bibor. Isindem mem gima idideu Noni bi. Ningon sren-srau lene ba ningon di gom bibon tungwatu nya bijo ninno bijo kikau. Noni co kep tungwatu nya bi sren.

AYUB 9:19

Gino diba ditde nisindemti bikui dip Noni lene Noni buhup hak yo, dingat rigini. Gino dipai kep Noni drek dip munhyet gom ne tou rimbrap gau da bijem Noni kwei ei nikei noho bei i?

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

MAZMUR 103:8

tuhan ningon ngakei nye bingondut nye cem. Noni bet ningon mem nye ba, ningon mpung tut ningon ngakei tungwatu nyati di ug hon nohonti bi sren.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

MAZMUR 86:5

tuhan e, asingat kei ba, ajoi sut akos ser nyende sisar. Aba angon ngakeisi di ug hon nohonti bi bingon ngakei yo di ingat nadi biNa.

NIPINGOK NINGONTI 24:12

Gino akan “Handei kon ba, sisrig nide munhyetti au.” Lene Allah mingig niyai kep na. Noni kan bidem tut akanti dima leu api ba ningon di sren kei bimbus angonti. Noni birop hanyen bak tungwatu nya bit leu igyai munti nya.

YEREMIA 32:19

Angon kanti di akos tut ei nya bibon ninggap leusi ba, Ade nibon munti nya mindur. Angat bidem mun nyeng hagom di tungwatu nya ibon ba, abirop biyok dem igbit ide nibon munti nya.

YEHEZKIEL 18:30

tuhan Di Ninyeng Jei Bibor pai “He je di mben Israel e, midibuhup hanyen bije tut jiyai munti nya noyam kin nikei di ningon sren. Ma jittin ser jide sisar lene ma jisindui sut ba, jide sisar hwen je bijitimek bijingwig au.

YEHEZKIEL 33:20

Mbro nok gima lo, mben Israel ipai bipia diyai munti dima yok igbit bi! Dipai mun di mungkun bipia midigwam nok nikei di kos tut bikwop yo dima yahagom igyai munti nya.”

YEHEZKIEL 7:27

Nibou ndig nya mipim kui jei lene nipmot di ya luei nohoti cem ningon dahat leu ba, limwa nya midigit-digoi ei ide nittinti. Midikes hukum ei je dip bit leu jide nibon munti nya hagom. Digwam nok nikei mem je nok gi jigwam nok nikei mem yo di hiter tu. Leu api mijikan tut bipia Dani ne tuhan ri.”

DANIEL 9:18

Allah e, ma amiap kep nyeni nihyet. Ayok ayai kep mun di buhun di cut igkep nye kin Ade minu ndig di ibijem kin anyeng di nggek bingwig su. Ningat nadi bak Nani drek dip niyai munti di kei bibor nya bi. Noro ningat nadi lewo angon nggriu sut nye.

DANIEL 9:9

Mbro nok gino naham nimbuk kep Na lo, angon nggriu sut nye ba, akos ser nyende sisar tu.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

MATIUS 16:27

Lewo Munggwom Tungwatu Nipmot mikwei sut Nicig Nide nikei-kau-keisi kin Nide malaikati nya leu api mibirop hanyen bak tungwatu nya gom gom bit leu nok igyai munti nya.

ROMA 2:6

Lewo Allah mibirop hanyen bak tungwatu nya yahagom bit leu nok igyai kepti nya.

KORINTUS GI NIGOM 3:8

No di ndim ningan kin no di prok nikioi yahacem igyai kep ide midyai sur yam apino yoni mitug ndei imuhup bibikwop tungwagom-gom drek dip ide nicom nahanggwapti.

KORINTUS GI NICAN 5:10

Lewo ikan tut bipia yahagom mikuk nye ei Kristus Noho bei lewo Noni ne Nikei ri. Noni mimbus tungwagom-gom ningonti leu api buhup biyok bit leu nok igyai munti di kei nya kin gi kinei nya di igyai kikep tirigi ingat rin ei dihyeisi dini.

EFESUS 6:8

Ma jiyok ngon kep bipia awak nya kin yo di igyati kwes nya yahagom mitug ndei imuhup leu Tuhan drek dip ide midyai di kei bibor nya.

KOLOSE 3:25

Tungwa tou rino yai mun tunggwei mitug ndei nimuhup sur nitunggweisi. Lewo Allah mbus nggok tungwatu bibit leu nok itta di jo brei bou niyai him bi.

PETRUS GI NIGOM 1:17

Tirigi jingat nadi bak Allah lene jindat kep ninyeng Arigya. Noni mbus nggok tungwatu nya bibit leu nok yonti njem di Noni ngat bou niyai him bi. Noro buhup biyok bit leu nok igyai munti nya. Gima rino ma jiba jiyaijoti ei dihyeisi dini bikon Allah ninyeng.

NINGAT-HI-NGAT NYA 22:12

Yesus pai “Jimiap e, jei bi lene midihwou hanyen! Midihwou sut Ditde munkwas ba, dibirop hanyen bak tungwagom-gom bit leu igyai munti nya.