MAZMUR 61:4 - ALLAH NIHYET MEM TUNGWATU NYA

⁴ Lewo Nani rino anyohou da ba, anok tentara nibousi di dinang coi leu ditde siceu nya.

MAZMUR 61:4 ပူးပေါင်းရင်းမြစ်များ

MAZMUR 15:1

Doia Daud. tuhan e, tou ridem mem gima coi ug ei Ade Prak Meng i? Tou ridem mem gima nggei sut Na ei Sion, ade nungug tou di adimig ei su i?

MAZMUR 17:8

Anyohou da dem kep nok anyohou Nanti ayai njep. Aku da nyahan ei anyehei behei,

MAZMUR 23:6

Dikan tut bipia asingat tut da ba, angondut da kikau mem diyaijo nijeisi leu api midibong ser Ade Ig tereu nok ditde nghim nsi kikau ug bipek diyaijo ningwig honti.

MAZMUR 27:4

Dahara tuhan mem mun nyeng gom ngat he ba, dillei sut bipia dibong ser tuhan De Ig tereu nok ditde nghim nsi kikau ug bipek diyaijo ningwig honti. Miduun leu nide nikei-kau-keisi ei sirima bidahara Noni leu binhyepo Noni bie tut da.

MAZMUR 57:1

Doia Daud mem no di bie tut doia nimpung ba, ibrim leu doia Asindui Sut Hi Bindei Timek Dani Au. Daud ba doia dini bikiek mpe dino noni nang bicoi ug ei hak mihyeti boom no leu Saul.

MAZMUR 61:7

Dijoi sut gima nibou ndig de njap jei ba, niyaijo bingat nintun him noni nya bou niyai him.

MAZMUR 62:7

Nongkom he rino nyohou da biteu da ba, dingwes ngun. Noni ne tentara nibousi di diya coi ri. Gima rino midicut bi sren.

MAZMUR 63:7

Diyok ngon kep Na di Allah tirigi dibong dibongti bidikan-kan nyen tut Na kikau mmun jei binjap kep,

MAZMUR 90:1

Nadi Musa di Allah De awak. tuhan e, Nani ne mpia di niya coi habiei ei nimbie him kikau kwei bipek ammani kep ri.

MAZMUR 91:1

No di bisau ndam Allah Di Ninyeng Jei Bibor di miya srak ko hagau noni kin no di ya coi Allah Di Sindem Bibor,

MAZMUR 91:4

Noni nyohou na dem kep nok ha di kieng ninyehei gau nimien bat nya leu binhyepo angwes ngun ba, angon jo nyahan. Noni ba ningon gomti biya srak ko hagau na binok bor ngug mem na cem,

MAZMUR 92:13

Yo di ingon sren nya yehe nok nibiop di hei binnum kei noyam kin dui sraba ba, ide nimeng nggrou dem kep buom Libanon.

NIPINGOK NINGONTI 18:10

tuhan dem kep nok ig di bon ninggre di jo-jo yam dip di inang coi. Yo di ingon sren nya igwam coi ig dima bingwes ngun leu ide siceu nya indati.

MATIUS 23:37

“Ayo! Je di timiei minu ndig Yerusalem nya e, jikimukep nabi nya ba, jiba tig bihwen yo di Allah cuk yok kwei ndam je cem. Dipi bidinggriou jahagom bit leu nok kuke di kieng ninyehei gau nimien nya noro jikou sut Da.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

NINGAT-HI-NGAT NYA 3:12

Dita no di bindei cut sisar nisindemti nok cou nipmem ei Allah De Ig leu api noni mibong kep Ig dima kikau buug hon nohonti bi. Midipas kep Ditde Allah ninyeng kin Nide minu ndig Yerusalem di nijep ninyeng ei no dima dip. Ba, minu ndig Yerusalem di nijep misrek kwei leu Allah ei gwamti. Midipas kep dinyeng di nijep bu ei no dima dip.

SRAT RUT 2:12

Handei kon ba, tuhan di nye di mben Israel nikuk nye bak miba mun di kei bibor bibirop hanyen bina tut ayai munti nya hagom lewo akwei gwam coi Noni tu!”