MAZMUR 60:3 - ALLAH NIHYET MEM TUNGWATU NYA

³ Allah e, arok nye ei lene abisindui sut ba, nyende siceu nya ihwen nye binicut biyok cem. Angon sibui sut nye. Nogindini apindi nye nok gi nipou pima hanyen bu.

MAZMUR 60:3 ပူးပေါင်းရင်းမြစ်များ

MAZMUR 71:20

Ayai ninghuisi wei di buhun bibor mang bibor bida noro angkwei mimbri di kui dingkek hanyen bida ba, awin da bidikiju hanyen leu nimai jui cem.

YESAYA 51:22

Jide tuhan Allah di ya srak ko hagau je pai “Midikon ninghuisi wei di Dikes kep je drek dip Ditde niggati dima hanyen leu je. Ditde nigga jeti micut leu je ba, jinghim koi sut bu bi.

YESAYA 51:17

Minu ndig Yerusalem e, akiju! Atug ndei hukum di tuhan pinak di cut igkep na kikau bingwig hon nohonti tu.

YEREMIA 25:15

tuhan di mben Israel ide Allah pai bida “Ayai mok ba anggur ngei di ut tut Ditde nigga biborti di noyam kin ba anggur ngei dini. Attei ba, aug sut ndam ngkiai nya yahagom bidem minu di dipinak na ndam yok nya. Lene ma acuk yok bidut ei gimokti dini.

MAZMUR 75:8

Allah rino nikei di mimbus tungwatu nya ingonti a. Noni moom bihi ei bijehei lene mikon bihi ei anai.

NINGAT-HI-NGAT NYA 18:16

Ba, yahara “Ayo! Ayo! Notou mem minu ndig di ninyeng jei dima i? Nipou lene noni juk sinsun di iba linen bibon kin sinsun nghei nta kin sinsun ningwoi lene bindei mas kin tig permata kin sriou tiei njep.

NINGAT-HI-NGAT NYA 16:19

Minu nindig bibor dima kki ningaisi ba, minu ndig nindigsi nya bidem dihyei nisurti-nipekti hagom lus bingwig. Allah kan kep minu ndig Babel lene bindei ba, dut ba anggur ngei leu Nide mok ba, ningei dima ne Allah nigga biborti ri.

HABAKUK 2:16

Nogindini bon nituti mem tungwatu nya ikon jinyeng bi noro bon nituti mem jimmai sut jenti sindam. tuhan mibindei ba, jidut ei gi mokti di hukum joti noyam kin jidut ba anggur ngei di pu je. Tirigi jidut bingwig ne jintig kibi-kibou yam nyen.

DANIEL 9:12

Akes hukum ei nyeni dip kin nyende nibou ndig nya dip cem bit leu nok apreu ei mem nye nipou su. Abindei ba, minu ndig Yerusalem tug ndei hukum nindig bibor dor njiriek minu nindigsi nya ei dihyei nisurti-nipekti hagom ide hukum.

NIBWOS-BWOS NYENTI 4:21

Je di mben Edom kin mben Us e, tirigi bon nituti mem je lene ma jingon llei bibor hak ug o! Mun di buhun micut igkep jeni cem lewo jibou ngwak sibui sut mun di pu je ba, mun dima biyai ningat nguti bijenti rin o!

NEHEMIA 9:32

Nyende Allah e, asindem bibor! Anyeng jei cem abindei ba, tungwatu nya ittin tut Na cem! Aba angon gom biyai hagom bit leu nok apreu ei mem nyeti tu. Abindei mbut ba, abindei bipek kep mun di apreu ei mem nye cem. Tirigi po nibou ndig mben Asyur mbuk tut nye pima kikau kwei bipek ammani kep ne nahagom nitug ndei mun di buhun bibor! Nyende nibou ndig nya kin imam nya kin nabi nya kin yo di inyeng jei nya nidigup bat-nidigai bat nya nahagom nitug ndei mun di buhun bibor! Ma ayok ngon kep mun di buhun tak nye!

MAZMUR 80:4

Allah e, ma awin kep nyende nisindemti! Ma angondut nye ba, ateu nye leu nyende siceu nya.

MAZMUR 80:8

Allah Di Sindem Bibor e, ma awin kep nyende nisindemti. Angondut nye ba, ateu nye leu nyende siceu nya!

MAZMUR 85:5

Noro tini bu ne ma angkwei nye ei nijam dimati hanyen. Ma agga nye bu au lewo Nani ne Allah di teu nye leu sisar ri.

MAZMUR 89:39

Noro Allah e, tini bu ne angon sibui sut nibou ndig di ando ei su. Akes noni ei ba, akou sut noni tu.