MAZMUR 59:9 - ALLAH NIHYET MEM TUNGWATU NYA

⁹ Noro tuhan e, apa ndip yok ba, aba ahyet bicig ngkiai nya.

MAZMUR 59:9 ပူးပေါင်းရင်းမြစ်များ

MAZMUR 2:4

Noro tuhan di gwam ei nide banggo mbrei dip ei gwamti pa ndip yok. Noni ba nihyet bicig yok tut ingon kanti di bon ninyeng bi nya.

MAZMUR 20:1

Doia Daud mem no di bie tut doia nimpung.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

MAZMUR 27:14

Ma ayok ngon mem tuhan ba, akum ei ade niba ningon comti. Ma angon cut leu au. Ma aba angon com tuhan!

MAZMUR 46:1

Nimpung Korah ide doia mem no di bie tut doia nimpung. Iba doia Alamot bibrim.

MAZMUR 46:7

Allah nihyet dem kep nok kru di cut bibindei ba, tungwatu dihyeisi dini inghuisi jet bingwig ba, yahagom ingon ttin bibor, Nibou ndig di inyeng tak kep limwa nya titut yam mitti bingwig cem.

MAZMUR 59:17

Noro diba doia bikiek Ade nisindemti. Bikwop njap tekti lene dipai doia bidihyet bong ba, dibikiek angon ngakeisi kin angon gomti. Lewo Nani ne mpia di dinang coi ba, mpia di digwam coi ei mpe di duum mun di buhun ri.

MAZMUR 62:11

Ma jiba jingon com mun di jiyai leu nico kep tungwatuti au. Ma jiyok jingon mem mun di jitug ndei tug hon ndigban di jipos nya au. Mbro nok gino mun di jinyeng tut nya kum eisi lo, ma jiba jingon com ndigban dima au.

MAZMUR 62:2

Diba dinnei di jo nyahan bibet dingon mem Allah. Danti dingwes ngun tug hon Noni he.

MAZMUR 9:9

Noni ba ningon gom binyeng tak kep ngkiai nya hak. Noni ba ningon di sren kei bimbus ingonti cem.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 40:31

Noro yo di iba ingon com tuhan migyai nisindemti di nijep bu. Yoni inok hacam krubrig di ba ninyehei di nyan biko-ko nyen ei anai. Mbro nok gino yo dima idor sindem lo, inghuisi wei bi. Mbro nok gino imig dia mem nimbut nya lo, ibiau dut cem bi.

YESAYA 58:14

Tug hon nisinati dima lene mijiyai nillei lewo jibit dicuk jeti nya. Midibindei ba, tungwatu dihyeisi dini hagom ikon jinyenga. Mijibong kei jigwam kei ei minu po jide pung Yakub di jintun him pima ba nokep. Da di tuhan disimbot dat tu.”

HABAKUK 3:19

Na di tuhan Di Anyeng Jei Bibor asindem tut da. Abindei ba, dimig dilleu bi. Dinoyam kin rusa mpe dino diba dingon di jo nyahan bidor-dor nyen ei nungug him.

MATIUS 6:13

Asindui sut nye ba, ningkwei hanyen tirigi nibiam mun di srou nye au. Noro anyohou nye ba, ningwes ngun leu Bilis de nisindemti. [Lewo Nani ne Nibou Ndig rin ba, nisindemti kin nikei-kau-keisi hagom jo biNa kikau. Igbit ri.]’