MAZMUR 59:3 - ALLAH NIHYET MEM TUNGWATU NYA

³ Akwek da leu yo di isibut bibor dima yok inda nsi lene ateu da bidingwes ngun leu nimbiam cig nya inda nsi.

MAZMUR 59:3 ပူးပေါင်းရင်းမြစ်များ

MAZMUR 140:2

tuhan e, ateu da leu yo di isibut inda nsi ba, aya ser da leu yo di iba isibut biyai midyai nya inda nsi.

MAZMUR 2:2

Nibou ndig dihyeisi dini ikiek imig jou tut Tuhan bigyok ingon gom mem Noni kin nibou ndig di Noni ndo ei su.

MAZMUR 38:12

Dinggwenti bindei ba, disut bat nya imbres yo leu da. Adig-ajoi nya cem yoom yonti ei minu ting leu da.

MAZMUR 56:6

Yo di imbuk tut da igyok nisinsiou ei ditde munhyet mem njap jei. Igyok ighyet mem yam leu binhyepo ditug ndei mun di buhun bijo kikau.

MAZMUR 69:4

Dahara ninno apino dinghuisi jet bibor ba, dikimam bok cem. Diyai njep dut drek dip gi dicem kep puig ser akwei mpu dati.

NIPINGOK NINGONTI 12:6

No di sibut nihyet biyai nimai bak hiter. Noro no di ningon sren nihyet biteu tungwatu ba, ingwes ngun.

NIPINGOK NINGONTI 24:15

Ma ayai bram yo di isibut nya di igyok ingon gom mem gima ipos mitiei kin ig leu yo di ingon gom nya igyai kepti nya au.

MIKHA 7:2

Yo di ingon sren kin yo di ingon gom tut Allah yahagom ipror bingwig leu minu dini. Yahagom ibet ingon mem nituti tirigi ihwen mun. Yahagom itig ndep jui mem yam.

YOHANES 15:25

Ide ningon mpo tut Dati cut igkep Da bit leu nok ide Puig Yahudi nicukti nibokti di pai ‘Yoni ingon mpo tut Da mikui-kausi.’

KISAH 23:21

Noro ma ace tut ighyet au. Lewo tungwatu imangti njiriek ibou ningot bitai ikos dik sir simpak mem gima ihwen Paulus hapuig. Yo dima yeheng biyam ser bipia igyem njita bidut ndia ngei bi kikau bibou ihwen Paulus bimai. Nogindini itin ei su ba, ibet ingon mem gima na di Andigpoi abuhup ighyet hanyen.”

SAMUEL GI NIGOM 19:1

Mpe di gom ne Saul pai ningon kanti bak nipmot Yonatan kin yo di igya kui noni yahagom bipia noni miyai nimai bak Daud. Noro Yonatan kin Daud ingon ce yam bi.

SAMUEL GI NIGOM 24:11

Jo nibreisi mem na di Andigpoi bipia nogindi pa tuhan kes na di Andigpoi ei dindati. Ditde limwa nya ibou poi ibidip huk da leu binhyepo diyai nimai bak na di Andigpoi noro dice tut ighyet bi lewo dingondut na di Andigpoi. Dipai biyok bipia dikou sut gima dimbuk tut na di Andigpoi lewo tuhan Nonti ta na di Andigpoi nok nibou ndig.

SAMUEL GI NIGOM 24:17

Tirigi Daud kes nihyet hon bibrim ningkek kep Saul bu bi lene Saul buhup “Dipmot ndia ug o! Nani rino ambrap dima e?” Lene noni pim ba, niyai nggwei kibor.

SAMUEL GI NIGOM 26:18

Leu api Daud binut nihyet bu bipai “Andigpoi e, nggon rino ahuk-huk nyen da di dinok ade awak i? Ditunggwei sut mindei ngan i?