MAZMUR 59:16 - ALLAH NIHYET MEM TUNGWATU NYA

¹⁶ isror binggok njita nyen. Gino igyem njita bindei yok bi lene igyau.

MAZMUR 59:16 ပူးပေါင်းရင်းမြစ်များ

SAMUEL GI NICAN 22:3

tuhan ne tentara nibousi di diya coi di bindei ba, dingon jo nyahan ri. Digwam coi Noni lewo Noni nok bor ngug biyon gau da. Noni ba Nide mun di bipukep ser tibor ninggwenti nya binyohou da kikau.

AYUB 15:23

ha nasar nya ibet ingon mem nimaisi leu binhyepo ipuk ningut biduhwen. Apino ningon huk niti bipia nindibutti minggai kep nide njap nidipti.

AYUB 37:23

Ide Allah de nisindemti nindig bibor. Isindem mem gima idideu Noni bi. Ningon sren-srau lene ba ningon di gom bibon tungwatu nya bijo ninno bijo kikau. Noni co kep tungwatu nya bi sren.

MAZMUR 101:1

Doia Daud. tuhan e, diba doia bikiek dingon di gom tut Na kin ditde niba ningon sren bibon tungwatu nyati. Diba doia dini bikon anyenga!

MAZMUR 106:8

Noro tuhan teu yoni bingwes ngun tug hon Nonti njem leu binhyepo ndo Nide nisindem biborti brei biyok.

MAZMUR 138:7

Mpe di mun di buhun yon ttai da ne acuon diyaisi. Ahwen ditde siceu di iten-pos nya lene aba Ade nisindemti biteu da bidingwes ngun.

MAZMUR 143:8

Awin kep dingonti tut Ade ningon ngakeisi bikwop njap tekti lewo diba dingon com Nani tu. Ando puig di suar dimbut kak bida lewo dingat nadi biNa.

MAZMUR 145:11

Yoni misimbot kep biyam tut Ade ninyeng tak kep limwa nyati di kei-kau bipui sut ade nisindemti,

MAZMUR 21:13

Noni mikri nide tibor bikes bibindei ba, ikiek kep inghim dip binang.

MAZMUR 30:5

Je di limwa di jiba jingon gom bibit tuhan e, jikwei ba, ipai doia nibinggei sut tuhan a. Ma jipai sigyo bak ba, jiba jingon srip bram bipia Noni ne No Di Kwes-Kwau ri.

MAZMUR 31:7

Angon mpo tut yo di ikuk yok bak kwar nya. Noro tut dani ne diba dingon com Na di tuhan.

MAZMUR 36:5

Noni tin ei ningon kanti di kinei bibor tirigi bong nibongti. Nibon munti nya hi di kei bi ba, girok mun di kinei nya cem bi.

MAZMUR 4:1

Doia Daud mem no di bie tut doia nimpung di iba nggong mbrei bikek nya.

MAZMUR 46:1

Nimpung Korah ide doia mem no di bie tut doia nimpung. Iba doia Alamot bibrim.

MAZMUR 5:3

Ditde Nibou Ndig kin ditde Allah e, amiap kep dihyet di dahara Nati dini ba, ampu da.

MAZMUR 77:2

Diba dihyet nindig bahara Allah. Diba dihyet nindig bahara leu api Noni miap kep dihyet.

MAZMUR 86:13

Lewo aba angon ngakei dati di nindig bibor di nggek jei bi bingon ngakei da. Ateu da bidingwes ngun leu jui nsi tu.

MAZMUR 88:13

Apo nimai nya ingon dorti tut Ade mindur nya ei nidinditi e? He ikan kep asingat tut yokti ei gumihyep ningon prion ser yam eisi e?

MAZMUR 89:1

Etan di mben Ezrahi de doia ningginausi.

NEHEI LEUSI 15:6

tuhan e, Ade nisindemti di nindig bibor bindei ba, nahagom ninga leu sut bijo ninno. Lewo atam Ade siceu nya binnir-wap tug hon Ade nisindemti tu.

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

ROMA 15:9

Yesus bindei ngkiai nya inggei sut Allah drek dip ningon di nggriu sut yokti cem. Allah Nihyet pai, “Gima rino midipai sigyo biNa ei ngkiai nya ikieti bidiba doia bikon anyenga.”

KORINTUS GI NICAN 1:10

Noni teu nye biningwes ngun leu mun di nahanok mibie ndam nimai mem nye tu. Noni miteu nye ei nidipti bu cem lewo niba ningon com Noni.

EFESUS 3:20

Allah sindem mem gima birop hanyen binye nindig bibor dor njiriek mun di nyeni yahara Noni tut kin ikan-kan nyenti cem tug hon Nide nisindemti di sindem tut ingonti.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

SAMUEL GI NIGOM 17:37

tuhan teu da bidingwes ngun leu singa nya kin beruang nya tu. Gima rino dikan tut bipia noni miteu da bidingwes ngun leu mben Filistin gom dima cem.” Lene Saul buhup “Nnaba aug hwen noni hak ug. tuhan misindem tut na.”