MAZMUR 56:5 - ALLAH NIHYET MEM TUNGWATU NYA

⁵ Dikon Allah ninyeng drek dip mun di Noni preu ei mem da tu. Diba dingon com Noni apino digittin bi. Tungwatu nya isindem mem ibibon da kinei kan bi.

MAZMUR 56:5 ပူးပေါင်းရင်းမြစ်များ

NIBOU NDIG NYA GI NIGOM 18:2

Leu api Elia kiju bimbut. Ei nijam dima ne ninggum hwen timiei Samaria nya bibor.

MAZMUR 118:6

Dinghuisi mpig sut mun nyeng hi bi. Lewo tuhan Ningat rin bit da. Bit bon tungwatu nya ibibon da kinei kan bi.

MAZMUR 41:7

Yo di ikwei cem da nya ingon gom bi. Imbus kep nihyet di kinei di bitut da leu api yuug tri tut hanyen bidem minu ngwa hagom.

MAZMUR 49:6

Mpe dino mun di buhun cut igkep da ba, ditde siceu nya igyon ttai da bitindei ser da lene dittin tut bi.

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

MATIUS 22:15

Jei bi lene Farisi nya yuug hum yam nsi leu binhyepo inggok puig di kei mem iba Yesus nihyet bisrou Nonti.

MATIUS 26:61

lene ibicum bipia “No dini pai ‘Dilet Tuhan De Ig leu api dingot hanyen biput ei njap ningai.’ ”

LUKAS 11:54

ibingon mem gima iba nimbrap tunggweisi bisrou Nonti hanyen.

YOHANES 2:19

Yesus buhup “Gino jilet Tuhan De Ig dini lene midingot hanyen ei njap ningai.”

PETRUS GI NICAN 3:16

Paulus pas kep tut mun dini yok ei nide srat nyati. Ba, mun nyeng gom-gom di jo ei nide srat nyati wer nggruk bibor apino yo di ingon mbum nya kin yo di ingon nddong bi nya ikiek-kiek nyen nihyet bit leu ingon kanti. Dinga leu tut gini bi. Lewo yo dima ikiek-kiek nyen Allah nihyet nindigsi nya cem bit leu ingon kanti. Igyai munti dima mibindei sar yok.

SAMUEL GI NIGOM 18:17

Mpe dima lene Saul kos tut bipia Daud mitug ndei nimai tug hon nikon pran bit mben Filistinti lene suar Saul nonti yai nimai binoni bi. Gima rino noni pai bak Daud “Midindo dipmisop mighumbou Merab bina nok atnem gino ata abou ei nikon pranti mem tuhan.”

SAMUEL GI NIGOM 18:21

Lewo kan “Misindo Mikhal binoni nok nitnem leu binhyepo siba sipmisop bisrou noni leu api noni micut bak tentara Filistin bitug ndei nimai.” Lene noni pai nimbican bak Daud “Nogindini bon nituti mem dijem dipmang bit na.”

SAMUEL GI NIGOM 18:29

Gima rino noni ttin tut Daud nindig dor njiriek nipou pima lene ba nitok bak noni kikau ug bipek niyaijo ningwig honti kep.

SAMUEL GI NIGOM 20:33

Saul miap nibuhupti di nok rino srer nide micim mem gima bidat Yonatan. Lene Yonatan ningon kan bipia nicig bungwam mem gima yai nimai bak Daud.

SAMUEL GI NIGOM 20:7

Gino acig buhup ‘Nok ug e!’ Lene midingon jo nyahan. Ne gino ningon sibui sut da drek dip lene mijo nibreisi mem na bipia noni kos tut bipia yai nimai bida.