MAZMUR 56:4 - ALLAH NIHYET MEM TUNGWATU NYA

⁴ Mpe dino dittin bibor ne diba dingon com Nani.

MAZMUR 56:4 ပူးပေါင်းရင်းမြစ်များ

NIBOHON MBEN ISRAEL GI NICAN 20:3

Lene Yosafat digit tut nihyet di miap dima bingat nadi bak tuhan leu binhyepo ndo ningon kanti bak. Leu api cuk limwa nya yahagom ba, igyem njita bi mem nituti poi.

NIBOHON MBEN ISRAEL GI NICAN 20:4

Tungwatu nya di ijo leu minu ndig gom-gom ei minu Yehuda di yuug ei minu ndig Yerusalem yahara tuhan bimpu yok.

MAZMUR 118:6

Dinghuisi mpig sut mun nyeng hi bi. Lewo tuhan Ningat rin bit da. Bit bon tungwatu nya ibibon da kinei kan bi.

MAZMUR 119:160

Nihyet Ade nya hagom igbit hak. Ade nikos tutti nya hagom dem kei bijo ninno bijo kikau.

MAZMUR 12:6

tuhan pai “Siceu nya ico kep nikinei-kinau nya lene yo di inghuisi wei nya yahara kwop. Gima rino nogindini dikwei bindei ba, igyai nibong kei nigwam kei di igyok ingon mem dima.”

MAZMUR 138:2

Diba dibiau bicom mpia ba, diba dingwak bikik dihyei birok kik Ade Ig Di Kwes-Kwau. Dikon anyeng lewo angon gom ba, angon ngakeisi mbut kikau. Akon Ade nipreu eisi di bon ninyeng bijo nai njiriek tungwatu nya ide nisimbot kep biyam tut Nati.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

YESAYA 31:3

Mben Mesir ne tungwatu dihyeisi dini he ri. Isindemti noyam kin Allah bi. Ide kuda nya inok mindhe di mipbor ngat bi noro kuda nitu he yo. Mpe dino tuhan brim ningkek ne mben di isindem bibor dima mikinoi ug ei dihyeisi leu api mben di isindem bi po iba ingon com gi hi di isindem bibor pima micut bihigom. Mben cin dima yahacem mitimek bingwig.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YOHANES 10:35

Ikan tut bipia nibokti di ipas ei Allah Nihyetti ne nijit di ug hon nohonti bi sren ri. Allah pai sut yo di ibit Nonti nihyet bipia yoni ne awak di Noni pai tes nya ri.

IBRANI 13:6

Gima rino ma jikwei bibrim ingkek bipai “Tuhan ne No di mpu sa rin ba, sittin tut mun-mun hi bi. Tungwatu nya mibon ndei sa i?”

SAMUEL GI NIGOM 30:6

Daud de tentara nya yahagom ingon buhun bibor lewo imunggwom bat nya kin itnem bat nya ipror bingwig leu yok tu. Gima rino itin ei mem gima iba tig bihwen noni drek dip imunggwom bat nya kin itnem bat nya di ipror leu yok dima. Daud um mun di nggruk bibor dima noro nide tuhan Allah biwin kep ningonti hanyen bu.