MAZMUR 55:10 - ALLAH NIHYET MEM TUNGWATU NYA

¹⁰ tuhan e, abindei ba, ditde siceu nya ingon tai-tai bou. Ayok nisinsiou ei ikieti tut mun di isimbot dat nya. Lewo dingat tungwatu nya isibut tut yamti kin ihwen yamti di kieng kep minu ndig.

MAZMUR 55:10 ပူးပေါင်းရင်းမြစ်များ

SAMUEL GI NICAN 15:31

Tirigi Daud miap tut bipia Ahitofel tti kin Absalom tu lene noni ngat nadi bipai “tuhan e, ma abindei ba, Ahitofel de nipingok Absalomti hagom pek kep au!”

MAZMUR 58:3

E bi! Jipwoi mun di kinei ei jingonti ba, jiba jiten biyai jiyai munti nya ei minu dini.

MAZMUR 59:6

Allah Di Sindem Bibor e, akiju ba, ampu da. Israel de Allah e, ayok ayai kep yok. Akiju ba, akes hukum ei ngkiai nya dip. Ma angondut yo di isibut di yaham imbuk kep da au.

YEHEZKIEL 9:4

“Aug ba, aya bidem minu ndig nuhuisi nya hagom ba, akes bindo ei tungwagom-gom di ningon ngguk tut kin gi ningon buhun tut nibon munti hagom di bindei igyai ttinti di tungwatu ibon ei minu ndig dini ingwak a.”

HOSEA 7:6

Yo dima ingon kanti di kinei kin ide niggati dima nimbom drit nyahan ei ingonti mmun jei ba, gima dem kep hum di nimbom drit ei hum kwaisi. Ba, njap tekti lene njeng bidem kep hum njeng di cig-cai di yem tungwatu.

HABAKUK 1:3

Nggon rino asindui sut da ba, dingat mun di mbuk bibor dini bou diyai him i? Nggon rino asindui sut ba, tungwatu nya ibon mun di mbuk bibor nok gima i? Nitimek bingwigsi kin nimbuk tut yamti ngwig ttai da. Tungwatu nya ibui yam biliriem yam cem ei minu dini nisurti-nipekti.

YOHANES 18:28

Yo dima yehei sut Yesus leu Kayafas de ig bei bibuwak Noni ug ei nibou hanjop nsi dima nide ig nibou ndig mem gwam ntuisi. Noro nibou mben Yahudi icoi kikau ug ei nibou dima nide ig bei bi. Gi nok lene map kui yok apino bit bon iba ide ninghuisi kwes-kwausi biyem pesta kep Njap Ndig Paskah bit leu ijoi sutti kan bi.

YOHANES 18:3

Gima rino Yudas ug ei mpia dima bibuwak tentara Romawi nimpung gom kin yo di igya ser Tuhan De Ig ibou poi di imam nindig nya kin Farisi nya icuk yok kwei. Ba, yoni ittei ide singau simeda kin mini njeng ba, itin hyem.

KISAH 9:24

Noro hi mbot kep tut ingon kanti dima binoni. Yo dima ikos dik sir simpak nitausi nya bikwop mmun-njap bipi bihwen noni.

SAMUEL GI NIGOM 19:11

Ariman mmun lene Saul cuk nide tentara nya ibou poi ug ba, iku yok nyahan ei Daud de biyati bingig igyai kep nide ig leu binhyepo igyai nimai binoni mem njap tekti. Noro Daud nitnem Mikhal pai binoni “Gino anang mem mmun dini bi lene njap di hyep migyai nimai bina ug ri.”