MAZMUR 54:4 - ALLAH NIHYET MEM TUNGWATU NYA

⁴ Allah e, amiap kep nadi di dahara biNani. Angig atingou mem dihyet di dindat kep hwou biNani.

MAZMUR 54:4 ပူးပေါင်းရင်းမြစ်များ

NIBOHON MBEN ISRAEL GI NIGOM 12:18

Hammi tirigi pai bak nok rino Allah Ninnei sindem tut Amasai di bit yok ba, niabiati bu mitug ndei ninyeng nibou mem nimpung “Nihwen Mun Cig Ibou Ningot Ningai” pima. Leu api noni pai, “Na di Andigpoi Daud di Isai nipmot e, nyeni nahati tut nani! Handei kon ba, aya tut yo di impu na bijibrim jingkek kikau ba, jibingat ningat kep. Allah tti kin na di Andigpoi tu!” Pai nok leu api Daud cigit yok bikon inyeng nok nibou mem nide tentara nya.

MAZMUR 118:13

Siceu nya ihwen da bibor ba, nahanok ma dicut bak yoni noro tuhan mpu da.

MAZMUR 17:1

Daud ngat nadi. tuhan e, angig atingou mem dihyet tirigi dingat nadi tindei ningon di sren-srausi hak. Ahati tut nadi di diba dingon sren bingat.

MAZMUR 41:12

Gino ditde siceu nya ibindei timek da bi ne midikan tut bipia angon ngakei da.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

ROMA 8:31

Gima hagom nok lene notou ibuhup hanyen bu i? Gino Allah tti kin nye ne tou ribindei cut nye i?

IBRANI 13:6

Gima rino ma jikwei bibrim ingkek bipai “Tuhan ne No di mpu sa rin ba, sittin tut mun-mun hi bi. Tungwatu nya mibon ndei sa i?”