MAZMUR 53:6 - ALLAH NIHYET MEM TUNGWATU NYA

⁶ Mbro nok gino mun di bindei ba, idigit bibor hi bi lo, yo di isibut nya mittin bibor. Lewo tuhan migimahap yo di igyon siceu ttai je nya injum a. Gima rino mijibindei timek yoni lewo Allah rok yoni ei su.

MAZMUR 53:6 ပူးပေါင်းရင်းမြစ်များ

EZRA 3:11

Iba doia binggei sut tuhan bipai, “tuhan kei-kau ba, ningon ngakei mben Israelti bijo ninno bijo kikau.” Tungwatu nya yahagom imbos-hi-mbos sindem bibor binggei sut tuhan lewo tukan nya ikinyon ei midyai niwin tuhan De Ig nikiouti hanyen tu.

NEHEMIA 12:43

Njap dima ne ibui mindhe-ndhe ngot bindig ei nimbar hum dokti bak tuhan. Limwa nya igyai nillei lewo Allah bindei ba, ingon nggei-hi-nggei su. Sop nya kin munggwom nya cem ibit yok tut pesta dima lene ighyet di ibigyai nillei dima tibim ug ei minu ting bijo ninno.

AYUB 42:10

Niabiati Ayub ngat nadi tindei nisut bat ibou ningai pima tu lene tuhan bindei ba, Ayub nyeng tut ndigban hanyen bu. Noni yai ndigban nok gi nipou pima mbican bram yam bak Ayub.

MAZMUR 14:7

Dijoi sut gima tuhan di bong ei Nungug Sion mikiju biteu mben Israel ba, ingwes ngun. Tirigi Noni bindei ba, yo di intun Yakub him ibong kei igwam kei hanyen lene yahagom ingon millei nindig bibor!

MAZMUR 50:2

Allah de nisieng-siausi piga kwei leu minu ndig Sion di kei bibor kei bipiga kei.

MAZMUR 85:1

Doia Korah ninsi de mem no di bie tut doia nimpung.

NIPINGOK NINGONTI 28:1

Mbro nok gino hi huk bram no di sibut bi lo, noni nang ug. Noro mimbri kui no di ningon gom ningkek dem kep nok mindhe singa.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 14:32

Notou nibuhup bak yo di mben Filistin icuk yok kwei bigya hacan mem yo i? Nnaba nipai biyok bipia tuhan win Sion hanyen tu. Ba, Nide limwa nya di igyai ninghuisi wei migwam coi mpia dima bingwes ngun.

YEREMIA 30:18

tuhan pai bu “Midingondut Ditde limwa di jeni. Midibindei ba, jibong kei jigwam kei ei jitimieisi hanyen. Mpe dima lene jiwin minu ndig Yerusalem hanyen bu lene jikinding ig nibou ndig nikineisi hanyen.

YEREMIA 31:23

tuhan di mben Israel ide Allah Di Sindem Bibor pai “Tirigi dibindei ba, Ditde limwa nya ibong kei igwam kei ei itimieisi hanyen lene timiei minu Yehuda kin minu mien nya ibohom ndat, ‘Nnaba tuhan njei mun di kei bak nungug tou di kwes-kwau ei minu ndig Yerusalem kin Nide nghim nsi di dia-diau kei.’

YOEL 3:1

tuhan pai “Mpe dima lene midingkwei timiei minu Yehuda kin timiei minu ndig Yerusalem ide nikei-kau-keisi hanyen bak yoni.

IMAM NYA IDE MIDYAI 26:17

Midikes hukum ei jeni dip apino jide siceu nya mibindei timek jeni. Lene yo di isibut tut jeni nya minyeng tak kep je. Mbro nok gino hi huk je bi lo, jingon ttin apino jinang-nang wai.

IMAM NYA IDE MIDYAI 26:36

Je di jingat rin ei jingkiaisi ei mpia di dicom je ug eisi dima lene midibindei ba, jittin bibor apino hou di bong biei mengti di sigak mibindei bijinang. Mbro nok gino siceu nya ikon pran ba, yuhuk je bi lo, mijinang-nang wai. Mbro nok gino hi bindei timek je bi lo, mijicut bijikinoi-kinoi wai hak.

AMOS 9:14

Midipindi Ditde limwa nya ba, ibong kei igwam kei hanyen. Yoni miwin ide minu di tti tu nya bibong ser ide ig cem. Ita ba anggur nghousi bidut ningei lene igyai miai leu api ipuk ningat bigyem kep inggum hanyen bu.