Tri tut nok rino tentara Israel ikiju bikes Daud ei lene injei bit Seba. Noro keret Yehuda ingon gom tut Daud ba, injei bit noni leu api ijo leu Minyei Yordan nyai kikau ug ei minu ndig Yerusalem.
Gino Allah ba ningon com yok bi lene notou mem no di kinei-kinau kin no di ningon rom di dahat nikibou ei nibon mun di kinei biborti noyam kin gi dahat nikibou ei minyeiti he i?
Nahagom nirom ndok ba, nyende niyai munti di kei nya noyam kin minyahas di map kui ba, mpiei bibor. Nyende sisar mibindei ba, nisar biningwig noyam kin mahai-meng di mui bibit hou.
Midibindei sar yo di ikuk yok biDa bi nya kin yo di yahara Da leu binhyepo dibie tut yok bi nya kin yo di iba inghim biDa kin yo di ikou sut gi ibit dihyet yahagom.”
Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.
Jikan tut bipia Kristus yai mun bibit leu Allah ningon kanti mem Noni. Gima rino ma jiyok ngon kep bipia bikwop no di yai mun bibit leu Allah ningon kanti ne Allah nimunggwom ri.
Disut na di dingon kieti e, ma ayai bram yo di ibon mun tunggwei nya igyai munti nya au. Noro ma ayai bram yo di ibon mun di igbit nya igyai munti nya. Allah ninyeng tak kep no di bon kep mun di igbit. Noro no di bon mun tunggwei nya ningon dorti tut Allah bi.
Nnaba yo di isibut nya ibon kep mun di kinei kikau. Nnaba yo di irom-rau nya ibon kep mun di mpiei kikau. Noro yo di ibit Allah ningon kanti nya igyai igbit ningon kanti dima kikau ba, yo di ingon kwes kei nya inyohou ingon di kwes kei dima kikau.”