MAZMUR 53:2 - ALLAH NIHYET MEM TUNGWATU NYA

² Yo di ingon mbum ikan “Allah hi bi.” Ibon munti nya sibut bibor ba, kinei bibor cem. Hi di bon mun di kei bi.

MAZMUR 53:2 ပူးပေါင်းရင်းမြစ်များ

NIBOHON MBEN ISRAEL GI NIGOM 28:9

Leu api Daud pai bak Salomo “Dipmot na e, ma akon Allah di acig kuk no bak nok ade Allah. Suar aba angon di gom bikuk nanti nok awak mem Noni cem apwoi ningon cem. Lewo Noni kan tut ikan-kan nyenti nya kin ingon priti nya cem hagom. Gino anggok tut Noni lene mporo angat Noni. Noro gino akes Noni ei ba, aba anghim bak lene Noni mirok nani ei bijo ninno bijo kikau.

NIBOHON MBEN ISRAEL GI NICAN 15:2

Apino noni ug ngat Nibou Ndig Asa bipai bak “Nibou Ndig Asa kin je di timiei Yehuda kin Benyamin jahagom e, ma jimiap kep mun di disok kep je tut dini. tuhan mitti kin je gino jeni cem jitti kin Noni. Gino jahara tuhan bindo ningon kanti bije lene Noni mindo ningon kanti bije. Noro gino jiba jiyai ngat Noni he lene Noni cem miba niyai ngat je.

NIBOHON MBEN ISRAEL GI NICAN 19:3

Mbro nok gima lo, nibon munti di kei no ntun Na Di Andigpoi him yo. Acok tut cou dihim di kwar Sop Asyera de limwa nya ikuk yok bak nya hagom ba, abrim angkek mem gima ayai munti dem igbit Allah ningon kanti cem tu.”

AYUB 28:28

Allah pai bak tungwatu nya “Suar jiba nibou di cut bak Allah bikon ninyeng mem gima jibiyai ningon ki leu Noni. Ma joom jenti ei minu ting leu mun di kinei nya leu binhyepo jibiyai ningon dor niti leu Noni.”

MAZMUR 10:4

Yo di ibon sisar nya ingkek ndok tut tuhan lewo iba ingon di jei bikan-kan nyen bipia Allah bon ninyeng mem yok bi.

MAZMUR 102:19

Ma jipas kep tuhan nibon munti nya hagom mem munggwom nintun him yamti di bram yam ma kwei bu leu binhyepo yo di isrek bigyo cem mikon ninyenga.

MAZMUR 11:4

tuhan Ningat rin ei Nide Ig di kwes-kwauti. Nide banggo mbrei no jo gwamti. Noni ngig niyai kep nimpung tungwatu nya ba, kan tut ide nibon munti nya hagom tu.

MAZMUR 111:10

Suar no di kinyon ei niyai ningon kiti ttin tut tuhan bibie. Noni yai ningon di huk niti bak yo di ibit nihyet yahagom. Ma jinggei sut tuhan bijo nijam jei!

MAZMUR 27:8

Tirigi ahig da hwou mem gima dikuk da biNa lene dibuhup “tuhan e, dibipbur bidihwou kuk da biNa,

YESAYA 55:6

Ma jingkwei hanyen ndam tuhan lewo Noni bon nikwesti mem je ba, jingat nadi bak Noni lewo Noni dideu je.

YEREMIA 16:17

Dingat mun nyeng hagom di ibon nya bou diyai him. Hi di jo nding leu Da bi. Dingat ide sisar nya tu.

YEREMIA 23:24

Bit bon hi ku no nyahan nding leu diyai him kan bi. Lewo dingat rin ei gwamti kin dihyeisi dini cem nisurti-nipekti.

NINDAT KEP TUHAN NICUKTI NYA 4:6

Ma jiba jingon gom bibit nicukti nya hagom apino ngkiai nya mingat bou igyai him bipia jingon ki. Tirigi yoni imiap tut niggai serti dima lene yahagom misimbot kep bipai biyam ‘Mbenjen! Mben di nindig bibor dini ingon ki ba, ingon tek cem.’