MAZMUR 51:4 - ALLAH NIHYET MEM TUNGWATU NYA

⁴ Apiap da leu mun di kinei di rap da lene abindei ba, ditde sisar di noyam kin map cug leu da.

MAZMUR 51:4 ပူးပေါင်းရင်းမြစ်များ

NITRITI 20:6

Lene Allah buhup tug hon Abimelekh de mumpriem dima bipai “Igbit ri. Dikan tut tu. Aba angon di kwes biyai mun dima. Gima rino disrin ser na leu binhyepo abon sisar tut Da bi ba, disindui sut gino angget noni bi.

NITRITI 38:7

Noro Er bon sisar nindig bibor apino tuhan ningon sibui sut noni bikes hukum nimai ei noni dip.

NITRITI 39:9

Dinyeng tak kep hagom noyam kin nonti ninyeng di tak kep hagom cem. Ningon tak kep mun nyeng gom leu da bi noro nitnem rinani lene ningon tak kep na leu da. Bit bon dibon mun di tunggwei sut noni nok gini ba, dibon sisar tut Allah cem kan bi.”

NITRITI 9:6

Lewo dipai tes tungwatu nya itta noyam kin Danti ditta. Gima rino tungwa tou rino hwen mun lene no dima mitug ndei nimai leu tungwatu nya drek dip.

NIBOU NDIG NYA GI NICAN 17:17

Iba imunggwom bat nya di idat bindig kep hum ei nimbar hum dokti bikuk yok bak kwar nya cem. Ita ibou ei niyai nisindemti di bindei ba, ikan tut mimun nya tug hon gi yuug ngat yo di nung kui yok di imbrap bit ninnei di kinei nya leu binhyepo ninnei dima yok indo ingon kanti biyok. Ibrim ingkek mem mun nyeng mang bibor di bindei ba, tuhan ningon kei sut yok bi.

NIBOU NDIG NYA GI NICAN 21:6

Lene bibui nipmot hi bindig ei nimbar hum dok dimati ba, bikuk no bak kwar nya cem. Noni brim ningkek mem nung nya igyai kepti nya kin nipui mun nimbot kepti tug hon ham mpia-bbed him nya kin nikan tut nisindemti nya di jo nding leu tungwatu nya igyai him kin ninggok tut ninnei nitrowai nya leu binhyepo indo bindo binoni cem. Manasye bon sisar nindig bibor tut tuhan apino tuhan gga bibor drek dip nide sisar di nindig bibor di noni bon dima.

MAZMUR 50:4

Noni jem mpia-bbed him kin dihyeisi dini leu binhyepo icap ser midut nimbus Nide limwa nya ingonti bingat bou igyai him.

MAZMUR 50:6

Mpia-bbed him tri tut bipia Allah ningon sren-srau ba, Nongkom ne nikei mem Nide limwa nya ri.

YESAYA 43:25

Mbro nok gima lo, Dani ne Allah di didip tut jide sisar ri. Dikos ser jide sisar bit leu nok diyai kep ngan-nganti. Midiyok ngon kep jide sisar dem kep nok ningwam di jibon biDa bi.

IMAM NYA IDE MIDYAI 5:19

Tug hon nisinati dima lene tungwagom mikum tuhan de ningwam leu no drek dip nide sisar di noni bon tut tuhan.

LUKAS 15:21

Lene mot dima pai bak nicig ‘Arig e, dibon sisar tut Allah kin nani tu. Dem tut gima ajem da nok apmot bu bi.’

LUKAS 7:29

Tungwatu yahagom bitut yo di igya tindei belasten di igyem tungwatu nya imuhup cem imiap Yesus nihyet dima. Yo dini ibit Allah nicuk yokti bigyai nitur yok ei minyeiti leu Yohanes tu.

KISAH 17:31

Lewo Noni kos tut bitto bou dima Noni ba ningon di sren-srau bibirop hanyen bak tungwatu dihyeisi dini yahagom tug hon tungwagom di Noni dimig ei dima. Noni ndo bindo bak tungwatu yahagom tirigi Noni win no dima leu nimai eisi.”

ROMA 2:5

Noro jingkek ndok bijingon tindak cem. Gima rino jikum ei jide hukumti mem Njap Ningwig Honti ei mpe dino Allah mindo ningon di sibui sut sisarti brei bak tungwatu nya bikes hukum di sren-srau ei yok dip.

ROMA 3:4

E bi! Mbro nok gino tungwatu yahagom ibicum kikep lo, ma jiyok ngon kep bipia Allah Nihyet tibim tut mun di nijit-jau hak. Lewo Allah Nihyet pai, “Ahyet ndo bindo brei bak tungwatu yahagom bipia angon sren-srau yo. Gino aya ei nikei noho bei ne abindei cut yo di ipai kep Nani yo.”

YAKOBUS 2:11

Lewo no di pai ser nye “Ma jicut tut yam au” pai ser bu “Ma jihwen mun au.” Mbro nok gino jicut tut yam bi lo, jihwen mun ne jipigau Allah niggai serti tu.

YAKOBUS 2:9

Noro gino jimig mbus tungwatu nye tereu nok hi kei hi kinei bit leu nok ingat di jingat bou jiyai him lene gima bindei bijingon mui su ba, Allah niggai serti pai kep je drek dip.

NINGAT-HI-NGAT NYA 16:5

Leu api dimiap malaikati di ninyeng tak kep minyei nya hagom pai “Allah di kwes-kwau e, angat rin annani cem ammani cem ba, hukum dino akes ei tungwatu nya dip dini hagom igbit ri!

NINGAT-HI-NGAT NYA 19:11

Lo bi lene dingat lo, dimbou kau leu gwamti leu api kuda di ninta tiei kei ya niyati. No di bri bigwam kuda dip ninyeng Ningon Gom kin Ningon Sren. Noni ba ningon sren-srau bikes hukum ei tungwatu nya dip bikon pran bit Nide siceu nya.