MAZMUR 51:2 - ALLAH NIHYET MEM TUNGWATU NYA

² tirigi Natan pai kep noni drek dip gi cut tut Batsyeba.

MAZMUR 51:2 ပူးပေါင်းရင်းမြစ်များ

SAMUEL GI NICAN 11:4

Lene Daud cuk tungwatu nya leu binhyepo yuug brim sop dima ninda bibuwak noni kwei ei nibou ndig de ig. Apino Daud kin Batsyeba igyem njita tut yam. (Batsyeba sindi bon midut ninghuisi kwes leu ningwak ntuisi.) Lene Batsyeba ngkwei hanyen ug ei nide ig.

SAMUEL GI NICAN 12:1

Lene tuhan pinak Nabi Natan buug ngat Daud. Tirigi noni tau kep Daud lene pui sut nihyet nibiti ninda bak. Bipai “Mpe di gom lene ibou can ibong ei minu ttou nsi gom lo, igom nyeng tut mun nyeng mang bibor noro igom nuhui mbum bibor.

MAZMUR 19:12

Ade nikos tutti bindei Ade awak di dani dingon ki. Atin ei imuhup mem yo di ibit Ade nikos tutti.

MAZMUR 51:7

Diyai mun tunggwei ba, dingon mui habiei disrekti he bi. Sisar kui da hammi tirigi dipmem sindi nghop tut da.

YESAYA 1:16

Ma jibon midut di bindei ba, jingon tiei kei. Ma jikes hon ba, jibon sisar bu au. Igbit ri! Ma jibon sisar bu au!

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

YEHEZKIEL 36:25

Gima ngwig lene midiba minyei di pimbai kei biprok je leu binhyepo jingon pwoi leu jide kwar nya kin mun nindigsi di bindei ba, map kui je tu nya.

IMAM NYA IDE MIDYAI 13:58

Ne gino noni ba minyei bitot mun pima leu api nisgwati dima pror hak leu bou niyai him lene ma noni ba minyei bitot mbigom kin bu leu binhyepo bindei ba, nipuig kwes.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

YOHANES 13:9

Simon Petrus buhup “Tuhan e, nok gima ne ma apiap dimig he bi noro dinda kin dibou cem!”

KISAH 22:16

Nogindini amem kep ser mindei i? Akiju ba, ayai nitur na ei minyeiti ba, ahara Tuhan leu binhyepo Noni kwek na leu ade sisar cem.’ ”

KORINTUS GI NIGOM 6:11

Nipou ne jibou poi jibon mun tunggwei nok gima. Noro tini bu ne Tuhan Yesus Kristus kin nisindemti di kwei leu ide Allah Ninnei bindei ba, jiyai nipiap leu sisarti ba, Allah dimig je ei mem Nonti leu api jiyai ningon di kwes kin Allah hanyen tu.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.