MAZMUR 51:19 - ALLAH NIHYET MEM TUNGWATU NYA

¹⁹ Midut di Allah joi sut rino ningon di nggriu-nggrop. Akou sut no di kuk ningon tut Na bi kin no di ttin ser nide sisar bi sren nya.

MAZMUR 51:19 ပူးပေါင်းရင်းမြစ်များ

NIBOU NDIG NYA GI NICAN 22:19

attin ser ade sisar ba, akuk na biDa lene arik ade sinsun rok na him cem apim ba, ayai nggwei kibor ba, amiap tut notou midikes hukum ei timiei minu ndig Yerusalem nya bitut ide minu ndig dip cem tu. Midibindei ba, mporo tungwatu nya igyai ngkek ttin ningat minu ndig Yerusalem. Lene yoni mindat kep minu dima ninyeng tirigi ibimbriom yam. Noro dingig ditingou mem ade nadi tu.

MAZMUR 118:27

tuhan ne Allah rin ba, Noni singat tut nye nindig bibor. Ma jiba dui meng di jitot kwei su bikinyon ei njap nindigti ba, jibimbut tut bijibikrop ttai nimbar hum dok.

MAZMUR 34:19

tuhan ningat rin simiak yo di ingon kinei nya. Noni teu yo di ingon cut bihigom leu su nya bingwes ngun.

MAZMUR 4:5

Ma jingon digit tut mun di micut igkep je noro ma jibon sisar drek dip au. Jikan-kan nyen tut he ba, jibigwam nyahan jug ei nghim nsi di jibong niti.

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YESAYA 66:2

Dangkom dipai tes mun dima yok hagom bou dinda him! Dijoi sut yo di iba ibou coi mem Da kin yo di ittin ser ide sisar kin yo di ittin tut Da kin yo di ibit dihyet.

MALEAKHI 3:3

Noni mikwei kes hukum ei tungwatu nya dip noyam kin nikinding ngkimom cig di ndig perak kin mas kep hum bibindei ba, mumpiang joti bi. No di tuhan pinak kwei mindig imam nya ingonti kep hum leu binhyepo ibon midut di igbit tuhan ningon kanti bikuk yok bak.

ROMA 12:1

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.