MAZMUR 51:18 - ALLAH NIHYET MEM TUNGWATU NYA

¹⁸ Ajoi sut midut nibui mindhe tut ninggrom bi. Gino dibon midut nindig mindhe titut kep humti ne ajoi sut gima cem bi.

MAZMUR 51:18 ပူးပေါင်းရင်းမြစ်များ

NEHEMIA 2:17

Noro nogindini dimbot kep tut biyok “Ide minu dini kinei bibor ba, ngug tig cem lus bingwig su. Mun di buhun cut igkep nye tu! Jikwei ba, ikinding ngug tig di bikrop ttai ide minu ndig leu binhyepo immai sut itimieisi dini bu bi.”

MAZMUR 102:16

Ngkiai nya mittin tut tuhan De nisindemti. Ninyeng di jei bindei ba, nibou ndig nya yahagom ikuk yok biNoni,

MAZMUR 147:2

tuhan miwin kep minu ndig Yerusalem bibuwak yo di isima ei ingkiaisi nya hanyen kwei.

MAZMUR 25:22

Allah e, ateu Ade limwa nya leu mun di buhun di kri kep yok nya hagom.

MAZMUR 40:7

Ajoi sut midut nindig mindhe kep humti kin midut nibiyai ningon kwes kin Nati kin midut njita nibipai sigyo bak Naniti bi. Asuar midut nindig mindhe titut kep humti kin midut nibiyai nikos ser sisarti cem bi. Noro abindei ba, ditingou dile leu binhyepo dintu kep ahyet.

MAZMUR 69:35

Ma mpia-bbed him kin dihyeisi dini kin muk ngeisi bitut mun di joti nya cem hagom nggei sut Allah.

YESAYA 51:3

Timiei minu ndig Yerusalem e, midigwam ser jeni kin yo di ibong ser ig kum kroisi ei minu ndig dima jahagom jingon a. Mbro nok gino ide dihyei rinok iggum ndigsi lo, midibindei binok miai mitou nghousi bidem kep Ditde miai mitou nghousi di Eden po nnum kei pima. Tungwatu nya mingon nggei-hi-nggei bigyai nillei ei mpia dima bipai sigyo biDa tug hon doia di ipai nya.

YESAYA 58:12

Mijiwin jide minu di timek bingwig ei nigkumti bikei hanyen. Keret dihyeisi dini mipai sut je bipia yo dima ne mben di ikinding ngug tig hanyen bingot ide ig ei nigkumti hanyen ri.”

YESAYA 62:1

Midimbrap tut minu ndig Yerusalem ninyeng. Midigwam nyahan bi drek dip Sion bibou Allah teu minu ndig dima biningwes ngun lene bindei timek nide siceu nya ba, gima noyam kin hyem njeng di piga mem mmun ug e.

YEREMIA 51:50

tuhan pai bak mben Israel di ibong ei minu Babel “Jingwes ngun leu nimai tu! Ma jikiju bijimbut nogindini hak ug! Ma jigwam-gwam nyen ei au! Mbro nok gino jingat rin ei minu ting leu jitimieisi lo, ma jiyok ngon kep jide tuhan di Dani kin minu ndig Yerusalem cem.

DANIEL 9:25

Ma apas kep dihyet dini ba, ayok ngon kep bipia tirigi nicukti tibim mem gima ipindi minu ndig Yerusalem hanyen kikau ug bipek no di Allah ta mem gima bie tut yok nikweisi dima yem ari bingwam nitindur sratus bitai ningot muhwindatai. Ipindi minu ndig Yerusalem hanyen bitut simpak nya kin tentara nibousi di igya coi nya di bikrop ttai minu dima bijo nok mem ari bingwam nitindur sratus bitai ba, ningot ningai bitai. Noro nijam dima mpung tut mun di buhun bibor.

MIKHA 6:7

Gino ijem domba ningut sribu-ribu bipwoi mini zaitun di mpung pias hagau kwei mem Noni lene joi sut mun dima yok e? Suar iba ipmot mighumbou bibon midut mem gima ibigo gau ide sisar e?

MIKHA 7:11

Je di timiei minu ndig Yerusalem e, nikwesti di kei bibor mem gima jikinding ngug tig di bikrop ttai jide minu dideu su. Mpe dima lene jide hanjop nsi mikum eisi bu binindig.

ZAKHARIA 2:5

tuhan preu ei bipia Nonti ne hum di cig-cai di nok ngug tig di bikrop ttai minu ndig dima binyohou yok lene bigwam tut Nide nisindemti kin ninyeng di jei biborti hagom eisi.”

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

EFESUS 1:5

Noni kos tut nipou su bipia nek nye tug hon Yesus Kristus bibindei ba, inok nimunggwom bat nya. Kristus niyai munti ntun Allah ningon llei sutti kin ningon kanti nya him.

EFESUS 1:9

Allah yai midyai bibit leu Nonti ningon kanti. Gima rino Noni mbot kep tut nimimun di Noni tin ei nipou su binye. Allah kos tut nipou su bipia ningon kanti mipek kep mem tungwatu nya tug hon Kristus.

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

TESALONIKA GI NICAN 1:11

Gima rino ningat nadi tindei je bikwop njap-njap. Nahara ide Allah leu binhyepo Noni mibindei ba, jidem mem gima jiyaijo bit leu ningon kanti lewo Noni hig je mem gima. Handei kon ba, Noni sindem tut je ba, jiyai mun di kei bibor di jijoi sut nya lene bindei bijiyai mun tug hon jingon di jo kep Noni biput ug e ba, hagom put kei cem.