MAZMUR 51:15 - ALLAH NIHYET MEM TUNGWATU NYA

¹⁵ Leu api miditri tut Ade nicuk nyeti nya bak yo di ibon sisar nya leu api yoni mingkwei hanyen leu puig srawir ndam Na hanyen bu.

MAZMUR 51:15 ပူးပေါင်းရင်းမြစ်များ

NITRITI 44:16

Lene Yehuda buhup “Andigpoi e, bit bon nibirop ahyet kan bi. Notou minimbrap gau nyenti binindo bipia ningon sren i? Allah ndo brei binye bipia ningon mui su. Nogindini nahagom ninok awak mem na di Andigpoi bu. No di ade mok perak jo kron nideti he bi.”

MAZMUR 119:13

Diba dihyet nindig bimbrap tut nicukti nya di ayai binye tu.

MAZMUR 9:14

tuhan e, angat i! Ditde siceu nya ihwen bit da! Angondut da ba, ateu da bidingwes ngun leu nimai,

NEHEI LEUSI 4:11

Lene tuhan buhup “Tou ripai tes tungwatu nya yuhui i? Tou ribindei dino tungwatu nya itingou nam ba, ibbwe cem i? Tou ribindei dino tungwatu nya igyai piga ba, igyai tu cem i? Da di tuhan diyai mun dima yok hagom kan.

YEHEZKIEL 16:63

Midikos ser ade nitunggweisi nya hagom. Noro bit bon abbwe ser gima yok bi ba, ahap aji ba, apai jit ade nitunggweisi nya cem kan bi. Da di tuhan Di Dinyeng Jei Bibor disimbot dat tu.”

YEHEZKIEL 29:21

Tirigi mun dima pek kep mem yok lene midibindei Israel nok mben di isindem bibor. Ba, gima mibon nituti mem na di Yehezkiel ba, atri tut nihyet bak limwa nya apino yahagom mimiap kep ahyet a. Leu api yoni mikan tut bipia Dani ne tuhan ri.”

YEHEZKIEL 3:27

Mpe dino dimbrap bit na hanyen bidibindei ba, ambrap hanyen bu lene suar atri tut mun di Da di tuhan Di Dinyeng Jei Bibor disok ei na dip biyok. Mpe dima lene ibou poi mingig itingou mem ahyet noro nindigsi nya inghek na lewo jo nibreisi bipia inok mben di yaham imbuk kep Da.”

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

MATIUS 22:12

Leu api hig ser noni ‘Disut na, notou acoi ninsi dini noro ajuk sinsun di igbit mem abiyem njita di ingei kep pesta niwak yamti bi i?’ Noro bit bon noni pai mun hi mem bisu tindei bi.

MARKUS 7:34

Gima ngwig leu lene Yesus tou kep ginyo kuug ba, hi ninnei leu api pai bak no dima “Efata.” Nikiek nihyet dimati pai “Tu tu!”

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

IBRANI 13:15

Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.

SAMUEL GI NIGOM 2:9

Yo di ingon gom nya igwam coi Noni apino ingon jo nyahan noro yo di isibut nya ipror hak ug ei nidinditi. Bit bon tungwagom hwen nide siceu nya bingwig tug hon nonti nide nisindemti kan bi.