MAZMUR 51:11 - ALLAH NIHYET MEM TUNGWATU NYA

¹¹ Akiek ayai ter leu ditde sisar nya ba, aciu ser hagom hak ug.

MAZMUR 51:11 ပူးပေါင်းရင်းမြစ်များ

NITRITI 4:14

Ayo! Ajji da leu dihyei dini cem leu Aho bei cem lene abindei ba, dibong-bong wai bidem dihyei ninjek dip apino midibon ditimieisi hi ei dihyeisi dini bi. Apino tungwa tou rino um da ei puig sinon mihwen da bidimai.”

NITRITI 6:3

Gima rino tuhan pai “Misisindui sut ba, tungwatu nya igyaijo ninno bi. Suar ma yoni imai lewo yoni ne tungwatu di igyaijo ninno rin bi. Hon kep ammani kui lene ide njap nimangti ug ei ari bingwam sratus gom ningot can he ug api imai.”

SAMUEL GI NICAN 7:15

Midinjei mun di kei bak noni bit leu nok gi dipreu ei mem yo di intun nani him. Midinghek tut noni bi. Noro dinghek tut Saul bididip tut ninyeng leu binhyepo aya luei nohoti nok nibou ndig bu.

NIBOU NDIG NYA GI NICAN 13:23

Noro tuhan ngondut Nide limwa nya ba, kos ser igyai munti nya cem. Noni mpu yok bisindui sut ba, isar bi drek dip gi preu di Noni bon bak Abraham kin Ishak kin Yakub. tuhan bbwe ser Nide limwa nya bi sren kikau kwei bipek ammani kep.

NIBOU NDIG NYA GI NICAN 23:27

Noni tri tut “Midibibon timiei Yehuda nya bit leu nok gi dibibon mben Israel pima. Midijji yok bingwig leu diyai him lene midikou sut minu ndig Yerusalem po didimig ei mem Danti kin tuhan De Ig po dipai sut bipia suar tungwatu ikuk yok biDa eisi.”

NIBOU NDIG NYA GI NICAN 24:20

Gima rino tuhan ningon sibui sut timiei Yehuda kin minu ndig Yerusalem nya nindig bibor bijji yok bingwig leu niyai him.

MAZMUR 43:2

Nani ne No di ya srak ko hagau da. Nggon rino akes da ei su i? Nggon rino ditde siceu di isibut bibor nya ibindei ba, mun di buhun bibor cut igkep da i?

MAZMUR 71:18

Allah e, nogindini duug wer andig-ndau bidibou tiei su lo, ma akes da ei au. Noro anyohou da kikau leu binhyepo ditri tut Ade nisindemti kin mimbri di kui angkekti bak ditde nintun him yamti di bram yam nya yahagom.

MAZMUR 71:9

Ma acom da nogindini tirigi duug wer andigpoi tu au. Ma akes da ei nogindini tirigi nisindemti ngwig leu da au,

YEREMIA 7:15

Midijji jeni ug ei minu ting leu Doho bei dem kep nok dijji jide bat mben Israel nya nipou su. Da di tuhan disimbot dat tu.”

LUKAS 11:13

Mbro nok gino jisibut lo, jingondut jimunggwom bat nya lene jo nibreisi bipia Jicig ei gwamti miyai Ninnei Gi Kwes bak yo di yahara Noni tut!”

YOHANES 14:26

Noro Dicig micuk Ninnei Gi Kwes di nok No Di Mimpu je kwei tug hon dinyenga. Noni ngginau jingonti tut mun nyeng hagom lene bindei ba, jiyok ngon kep mun di dipai bije hagom.

ROMA 1:4

noro tut ninnei di kwes-kwau kei ne jo nibreisi Noni Allah Nipmot ri. Allah ba nisindemti di mindur bindo tut gini tirigi Noni kon Yesus leu nimai eisi.

ROMA 8:9

Noro jiyai mun bit leu jingut kanti di ntun dihyeisi dini him nicuk jeti bi. Noro jiyai mun bit leu Ninnei Gi kwes nicuk jeti gino ningat ne Allah Ninnei ningat rin ei jingonti. Gino Kristus Ninnei ningat rin ei tungwagom ningonti bi ne Kristus nyeng tut no dima bi.

EFESUS 4:30

Ma jibindei ba, Allah Ninnei ningon pus tut je au. Lewo Allah ba Ninnei dima bitak buk kep je nok bindo di bindo bipia nyeng tut je binyohou je kikau bibou Njap Nikwek Jeti dem ug e.

TESALONIKA GI NICAN 1:9

Yo dima mitug ndei hukum nibindei sar yok di bit bon ug hon nohonti kan bi bisrawir ei minu ting leu Tuhan Noho bei kin Nide nikei-kau-keisi cem.

NIJAM NIKEI NYA 13:25

Mpe di gom tirigi Simson ningat rin ei keret Dan ide prak meng yati ei Zora kin Esytaol nikieti lene noni sindi yai nisindemti leu tuhan Ninnei.

NIJAM NIKEI NYA 15:14

Tirigi yoni ingkwei hanyen ug ei minu mien Lehi tu lene mben Filistin idor kwei ndam Simson bimbos-hi-mbos. Lene tuhan sindem tut noni lene noni bindei ba, kuk di ngun-ngau pima tun bingwig leu nimig-ninda dem kep nok mong mbrei di hum yem.

NIJAM NIKEI NYA 16:20

Lene Delila ba nihyet nindig bicuk noni mbigom kin bu bipai “Simson e, mben Filistin ikwei su!” Lene Simson kiju biya lene kan “Misingwes ngun leu mun di kat sa nok gi nipou pima ug ri.” Lewo kan bigya tuhan ningat rin bit noni noro bi.

SAMUEL GI NIGOM 10:10

Mpe dino Saul kin awak dima yuug krau Gibea lene nabi nya nimpung gom yuum noni. Lene Allah Ninnei juk kros kwei ei ningonti ba, noni pri-pri nyen ba, mbos-hi-mbos bit yok.

SAMUEL GI NIGOM 16:14

Jei bi lene tuhan Ninnei kes Saul ei leu api tuhan pinak ninnei rom gom di kwei hwen bit noni.