MAZMUR 50:21 - ALLAH NIHYET MEM TUNGWATU NYA

²¹ Jiyai kep gima yok hagom lo, digwam nyahan leu. Gima rino jikan bipia Dani dinoyam kin jeni. Noro tini bu ne dinjei kep jeni ba, dibindei mun dima yok hagom bijo nibreisi mem je.

MAZMUR 50:21 ပူးပေါင်းရင်းမြစ်များ

AYUB 34:33

Gino akou sut Allah niyai munti nya lene notou ayok ngon mem Noni miyai igbit mun di angon ya mem i? Suar nani rima akos tut gima. Dani midikos tut bi. Apai angon kanti binye!

MAZMUR 50:3

Ide Allah kwei noro su No nyahan bi. Hum di ninjeng srei kin sigau di nimig ten bibor yon ttai bibie Noho.

MAZMUR 50:8

Dipai kep jeni drek dip midut nikwas mun nyeng hi biDa kin midut nindig mindhe titut ei nimbar hum dokti di jibon bikwop njap ei Doho bei bi.

MAZMUR 73:11

Yo di ingon jei pima yok ikan “Allah kan tut siyai munti nya bi. No Di Ninyeng Jei Bibor miba niyai hwen kep singon kanti nya bi.”

MAZMUR 90:8

Lewo akon nyende nitunggweisi bijo ei Aho bei. Nyende sisar di niku nyahan jo bou ayai him.

NEHEI LEUSI 3:14

Lene Allah pai “DANI NE NO DI NINGAT RI. Apai biyok bipia No di ninyeng DANI NE NO DI NINGAT RIN pinak na ug ndam yok.

NIPINGOK NINGONTI 29:1

No di ba ningkek ndok bibuhup bak nindigsi nya di ipingok kep noni ninyen ne mpe di gom noni mitug midut nipou tirigi luei ningonti tut bigyo.

NIBA NINGON SRIP HUKTI 12:14

Allah mimbus ingonti tut igyai munti nya hagom bitut igyai munti di kei nya kin gi kinei nya di igyai brei kin gi hi di igyai niku cem hagom.

YESAYA 26:10

Mbro nok gino nibibon yo di isibut nok gi igbit lo, ingon dorti tut igyai munti di igbit nya bi. tuhan e, Ade nikos tutti di sren-srau mbut sindem ei minu dini noro yo dima ibon mun di kinei ba, ibikou sut Ade nisindemti.

YESAYA 42:14

Allah pai “Dikimut duhui bidibuhup Ditde limwa nya ighyet bi ninno tu. Noro tini bu ne tto bou dem mem diyai dibou tut yok. Dahara dem kep nok sop di ninghim dut.

YESAYA 57:11

tuhan pai “Kwar di jikuk je bak dima yok di ibindei di jittin tut yok ritou nya i? Ibindei di jiris mun biDa ba, jigiyok ngon kep Da bi. Apo gi jikuk je biDa bu bi dini drek dip gi digwam nyahan ninno tu dini rin e?

YEREMIA 2:23

Jiba jingon di jei pai sut jenti bipia nirom kui je bijikuk je bak Baal bi sren! Ma jiyok jiyai kep midut nya di jibon ei Mbang Briep Hinom ug e. Jikan kep jide sisar leu api ma jipai jit hak ug! Jinok unta niwek di nibou buwei di nang-nang nyen di bit bon hi kat bi.

AMOS 8:7

tuhan di mben Israel ide Allah pai tug hon neheng “Dingon prion ser igyai munti di mbuk bibor dima bi sren.

MBEN ISRAEL IMBUT-MBUT NYEN 23:19

Allah kin tungwatu nya inoyam bi. Noni luei ningonti nyen ba, ris bak tungwatu nya kan bi. Noni yai hagom bit leu nok nipreu eisi tu! Tirigi Noni mbrap lene dem igbit nipaisi!

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

PETRUS GI NICAN 3:9

Mbro nok gino tungwatu nya ikan bipia Tuhan binyen tut mun di Noni preu ei mem nye biyai binye bi lo, Noni om ningon tut je lewo joi sut tungwatu nya isar bi. Noni joi sut yahagom ittin ser ide sisar bikiek ndam Allah.

NINGAT-HI-NGAT NYA 3:19

Disok kep yo di dingon ngakei yok ngkiem ba, dittem yok cem. Gima rino suar jibrim jingkek bijittin ser jide sisar lene jikiek ndam Allah.