MAZMUR 50:15 - ALLAH NIHYET MEM TUNGWATU NYA

¹⁵ Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

MAZMUR 50:15 ပူးပေါင်းရင်းမြစ်များ

NIBOU NDIG NYA GI NICAN 20:2

Lene Hizkia kiek noho birok dring lene ngat nadi bipai,

NIBOHON MBEN ISRAEL GI NICAN 20:9

gino itug ndei hukum drek dip ide sisar nya ba, pran cut igkep yok ba, nsuwer ajar hwen yok cem ba, ninggum hwen yok lene ace tut ba, ikwei ya ei dimbou heisi di ikuk yok bak Allah eisi dini. Gino yuum mun di buhun bibor lene ace tut yok ba, ingat nadi biNa leu api mporo amiap ide nadi di ingat biNa ba, ampu yok.

AYUB 22:27

Gino angat nadi bak lene Noni mibuhup ade nadi hanyen. Lene dem mem gima ayai mun bipek kep ade nipreu ei mem tuhanti nya.

MAZMUR 107:19

Tirigi ingon buhun bibor ne ingat nadi bak tuhan leu api Noni teu yok bingwes ngun leu mun di buhun tak yok.

MAZMUR 107:28

Tirigi ingon buhun bibor ne ingat nadi bak tuhan leu api Noni teu yok bingwes ngun leu mun di buhun tak yok.

MAZMUR 120:1

Doia nikui ug ei Mbigdip Sionti. Tirigi dingon buhun bibor ne dahara tuhan leu api Noni buhup dihyet.

MAZMUR 22:23

Miditri tut ade midyai nya hagom bak dide bat mben Israel nya. Tirigi idem yam ei ide ig mbusyamei lene midinggei sut Na.

MAZMUR 34:5

Dingat nadi bak tuhan leu api Noni buhup dihyet bikwek da leu mun di biyai dingon digit.

MAZMUR 34:7

Yo di isindem bi nya ingat nadi bak tuhan leu api Noni buhup ighyet biteu yok leu mun di buhun tak yok hagom.

MAZMUR 4:2

Allah e, Nani ne No di ya srak ko hagau da ri. Tirigi dahara Nani lene ma abuhup dihyet. Mpe dino mun di buhun srou da lene ampu da tu. Tini bu ne ma angondut da ba, amiap ditde nadi di dipai hwou biNa.

MAZMUR 50:23

Yo di ibon midut nibipai sigyo biDa yongkom ibikon dinyenga. Midindo Ditde puig di bie ndam niteu leu biningwes ngunti bak yo di ibit dihyet.”

MAZMUR 77:2

Diba dihyet nindig bahara Allah. Diba dihyet nindig bahara leu api Noni miap kep dihyet.

MAZMUR 77:3

Mpe di duum mun di buhun lene dingat nadi bak tuhan. Diba dinghen bikon dinda biNoni mem mmun jei bi. Noro gi mbun duum mun di bigwam ser dingon kan bi.

MAZMUR 81:7

“Dikon mun di buhun tak je leu jinghat bidikwek je leu bansi di bindei ba, jahanggwap mbilen.

MAZMUR 86:5

tuhan e, asingat kei ba, ajoi sut akos ser nyende sisar. Aba angon ngakeisi di ug hon nohonti bi bingon ngakei yo di ingat nadi biNa.

MAZMUR 86:7

Mpe di mun di buhun bibor buhun tak da lene dahara Nani lewo abuhup dihyet.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

YEREMIA 39:17

Noro Da di tuhan midinyohou nani. Hi di mikes nani ei yo di attin tut yok nya indati ba,

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

MATIUS 5:16

Jeni cem ma jinok ninjeng di piga digai dihyeisi dini hagom leu binhyepo tungwatu nya ingat jiyai munti di kei bibor nya apino inggei sut Jicig ei gwamti.”

LUKAS 22:44

Yesus ningon bei buhun bibor bita nibou ei naditi ba, nahanggwap di mbilen nok ninggrom bitinim ug ei dihyeisi.]

YOHANES 15:8

Gino ningat mang ntun jeni him lene tungwatu nya ikon Dicig ninyeng. Tug hon nisinati dima lene jinok yo di igya kui Da di nijit nya ri.

KISAH 16:25

Ug ei himmun mau rino Paulus kin Silas ingat nadi bipai doia lene inggei sut Allah. Yo di nindigsi di isima nya intu kep ide doia.

YAKOBUS 5:13

Gino jigom ningon buhun lene ma noni ngat nadi. Gino jigom ningon llei lene ma noni pai doia binggei sut Allah.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.

PETRUS GI NIGOM 4:14

Gino hi pai je kinei drek dip gi jibit Kristus lene ma jingon nggei-hi-nggei lewo jikan tut bipia Allah Ninnei di kei-kau-kei ningat rin ei jingonti drek dip.

NIJAM NIKEI NYA 15:19

Lene Allah bindei ba, minyei bousi gom biam kwei leu hak mihyeti ei Lehi. Lene noni dut minyei biyai nisindemti hi kin bu. Gima rino tungwatu nya ijem minyei bousi dima ninyeng Minyei Bousi Hakor ba, minyei dima biam kikau kwei bipek ammani kep.