MAZMUR 5:11 - ALLAH NIHYET MEM TUNGWATU NYA

¹¹ Allah e, akes hukum ei yok dip. Abindei ba, itug midut drek dip yonti ingon kanti di itin ei nya. Ide sisar nindig bibor. Gima rino ajji yok hak ug lewo ikiek imig jou tut Na.

MAZMUR 5:11 ပူးပေါင်းရင်းမြစ်များ

AYUB 38:7

Mpe di pima ne hambong nya ighyet kui yam bipai doia noyam ba, mun di Allah pai tes nya ei gwamti iba ingon di llei bibor bimbos-hi-mbos tu.

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

MAZMUR 35:27

Dijoi sut gima yo di ijoi sut nikei tti kin da bipai sut da bipia dingon ngun nya iba ingon di nggei-hi-nggei bimbos-hi-mbos. Dijoi sut gima ipai-pai nyen “Jit jit tuhan kei-kau-kei ri! Ningon kui sut gima Nide awak yai mun bipek nipekti!”

MAZMUR 40:16

Dijoi sut gima yo di ipa tut da yahagom igwam nidigitti kin nimmaiti.

MAZMUR 58:10

Isar nipou tirigi ingon huk niti bigyo dem kep nok biei war di nimon yo ba, mahan bigyo di hou kui binjei bingwig hak ba, noyam kin ndia kioi di mui su.

MAZMUR 65:13

Susti nya mpung tut kambir kin domba nya. Abindei ba, nungug tou nya noyam kin no di ningon llei bibor.

MAZMUR 68:3

Allah jji yok binang bidem kep hum mmup di hou yai di pren hak. Yo di isibut nya mipror hak ei Allah Noho bei noyam kin lilin ngei di jet ei humti.

MAZMUR 69:36

Noni miteu minu ndig Yerusalem hanyen leu siceu nya inda nsi biwin minu mien ei Yehuda ninyeng tak kepti nya hanyen. Nide limwa nya mibong ser itimieisi hanyen ba, dihyei dima minok ide dihyei ninda rom.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

ROMA 8:28

Ikan tut bipia gino tungwatu nya ingon ngakei Allah di hig yok bit leu ningon kanti ne Noni nyohou dimig mun nyeng hagom di pek kep mem yok bibie tut yok.

KORINTUS GI NIGOM 2:9

Noro bit leu nok gi ipas ei Allah nihyetti, “Mun di jo nding leu tungwatu nya igyai him cem tibim ei itingou nsi cem coi ug ei ibou ngwakti cem bi sren dima ne mun di Allah tin ei pijum mem yo di ingon ngakei Noni ri.”

YAKOBUS 1:12

Tungwa tou rino ningon nddong mpe dino mun di buhun cut igkep noni ne no dima ningon nggei-hi-nggei. Lewo niabiati noni ba ningon di cut leu bi buug bipek nipekti leu api noni miyai niyaijo nijep di jo kikau di Allah preu ei mem yo di ingon ngakei Noni.

YAKOBUS 2:5

He disut bat di dingon kieti jen, ma jiyok ngon kep bipia Allah dimig nuhwap mbum nya ei dihyeisi dini bibindei ba, inyeng tut ide niba ningon com Yesus Kristusti. Yo dima micoi bit Allah Ninyeng Tak Kepti di Noni preu ei mem yo di ingon ngakei Noni.

NINGAT-HI-NGAT NYA 18:20

Timiei gwamti jen, ma jingon llei bibor tut minu ndig dima nicutti! Allah de limwa kin je di jiya kui Yesus kin je di nabi e, ma jingon llei bibor! Lewo Allah kes hukum ei minu ndig dima dip drek dip niyai munti di kinei bibor di bibon bije tu.

NIJAM NIKEI NYA 5:31

tuhan e, dingat nadi leu binhyepo Ade siceu nya yahagom itug ndei nimai noyam kin Sisera. Dingat nadi leu binhyepo asut bat nya yahagom igyai inyeng jei ba, sieng-siau kei dem kep nok mpia njap nipriti! Gima hagom ngwig lene mben Israel ibong kei igwam kei kikau mem ari bingwam ningot bitai bu.