MAZMUR 5:10 - ALLAH NIHYET MEM TUNGWATU NYA

¹⁰ Lewo bit bon hi ba ningon com ditde siceu di iba nitok bida ighyet kan bi. Ingon mpung tut ide nitin ei ningon kanti di kinei bibor. Ikes ighyet di mmau kei di brim tungwatu nya ingon noro ingon bei mien mpung tut mun di mpiei ningkom.

MAZMUR 5:10 ပူးပေါင်းရင်းမြစ်များ

SAMUEL GI NICAN 15:31

Tirigi Daud miap tut bipia Ahitofel tti kin Absalom tu lene noni ngat nadi bipai “tuhan e, ma abindei ba, Ahitofel de nipingok Absalomti hagom pek kep au!”

SAMUEL GI NICAN 17:14

Lene Absalom kin mben Israel yahagom ibuhup “Husai nipingok nyeti kei bibor dor njiriek Ahitofel nipingok nyeti.” tuhan kos tut bipia yo dima mice tut Ahitofel nipingok yokti di kei bibor dima bi leu binhyepo bindei ba, mun di buhun bibor micut igkep Absalom.

SAMUEL GI NICAN 17:23

Tirigi jo nibreisi mem Ahitofel bipia Absalom bit nipingok noti pima bi lene noni tin ei nide keledai bibri bingkwei hanyen ug ei nitimieisi. Noni nyohou dimig nide mun di nyeng tut nya hagom biput tu lene ba kuk bisrou nonti nikimam bimai. Lene itig simiak nide bat nya ijui nya.

NIBOHON MBEN ISRAEL GI NICAN 25:16

Lene Amazia mbrua kep nihyet bipai “Akes ahyet hak. Leu gi bi ne miniyai nimai bina! Nita nani nok no di pingok kep nibou ndig ningonti bi sren.” Leu api nabi dima kes nihyet lo, bon nituti gom di pai bak “Nogindini dikan tut bipia Allah kos tut mem gima bindei sar Na Di Andigpoi drek dip abon munti nya dima ba, arok dipingok nati cem dima.”

ESTER 7:10

Apino yoni ipindur Haman ei cou dihim di Haman nonti tas ei mem gima bipindur Mordekhai eisi leu api nibou ndig ningon cut leu nigga biborti.

MAZMUR 10:15

Ma adahat kep yo di isibut kin yo di ingkek ndok nya ide nisindemti leu yok ba, akes hukum ei yok dip drek dip ide nibon munti nya kikau bibou ikes hon ug e.

MAZMUR 107:11

Gima cut igkep yok drek dip gi yaham imbuk kep Allah Di Sindem Bibor nicuk yokti nya ba, ikou sut nipingok yoti.

MAZMUR 17:13

tuhan e, akiju! Ahwen ditde siceu nya ba, acut yok. Aba Ade singau simeda biteu da bidingwes ngun leu yo di isibut di imbuk tut da nya.

MAZMUR 31:18

tuhan e, ma asindui sut ba, nimmai kui dati au. Lewo dahara bak Nani. Handei kon ba, yo di isibut nya itug ndei nimmai biborti leu api acom yok ug ei minu nimai nya ide ba, ei sirima ne hi nihyet tibim bi.

MAZMUR 35:26

Handei kon ba, yo di ingon kei kep da drek dip dinghuisi weisi nya ingon tai-tai bou ba, igwam nimmaiti ug. Handei kon ba, yo di ipai sut yonti bipia ikei-kau dor njiriek da pima cem igwam nimmaiti ug.

MAZMUR 55:15

Nipou yo ne nahacem nigwam bit yam ba, nisingat tut yam cem. Nahacem nittei yam binikuk nye bak Allah bit yam ei Nide Ig.

MAZMUR 66:7

Noni ba mimbri di kui ningkek bininyeng tak kep limwa nya bijo ninno bijo kikau. Noni mian huk ngkiai nya leu binhyepo yaham imbuk kep bisrep huk Noni bi.

MAZMUR 71:13

Handei kon ba, nimmai kui yo di ikwei hwen da ba, ibisar cem. Handei kon ba, yo di ibingon mem gima duum mun di buhun ingon tai-tai bou ba, tungwatu nya inim kep yok cem.

MAZMUR 79:12

tuhan e, ma abuhup mbimuhwindacan bram yam bak mben ngkiai dima yok drek dip ighyet di tigut Na.

YESAYA 1:2

Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet. tuhan pai Dimunggwom bat di dinyohou yok yaham imbuk kep Da.

YESAYA 1:20

Gino jisrep tut dihyet ne mporo mijiyai nimai ei pranti. Da di tuhan disimbot dat tu.”

YESAYA 63:10

Noro yaham imbuk kep Noni bibindei ba, ningon buhun tut yok. Gima rino Noni luei nitta binok ide siceu bu bikon pran bit yok.

NIBWOS-BWOS NYENTI 1:5

Siceu nya iba ide nisindemti boom kep noni tu o! tuhan bindei ba, noni tug ndei ninghuisi wei drek dip nide sisar di nindig bibor! Ikat timiei nya bisima ug ei ingkiaisi tu o!

DANIEL 9:5

Nibon sisar binimbuk bibor ba, nibon mun tunggwei sut Na cem. Naham nimbuk kep Na binikou sut Ade nidimigsi nya biniba ninghim bak angon kanti di kei bibor mem nye cem.

DANIEL 9:9

Mbro nok gino naham nimbuk kep Na lo, angon nggriu sut nye ba, akos ser nyende sisar tu.

HOSEA 9:7

Nijam nikes hukum ei tungwatu nya dipti tau su. Njap dima ne njap nibuhup jide nibon munti nya hanyen bije ri. Tirigi nijam dima dem ne mben Israel ingkek kan hukum dima! Jipai biyam “Nabi di ninnei bie tut no bbwe bibor. Mirei bon noni!” Jipai gima lewo jingon kinei sut da ba, jide sisar nindig bibor cem.

KORINTUS GI NIGOM 3:19

Lewo ningon kiti di ntun dihyeisi dini him dem kep nok ningon mbum bou Allah niyai him. Bit leu nok gi ipas ei Allah nihyetti “Allah ba ide ningon mangti bisrou yo di ingon ki nya.”

NINDAT KEP TUHAN NICUKTI NYA 2:30

Noro Nibou Ndig Sihon ce tut mem imbut kak pui di bikwam nide minu hacan dima bi. Gima nok lewo jide tuhan Allah bindei ba, Sihon ningkek ndok. Ningon tindak cem leu binhyepo bon nituti mem nyeni ibindei timek noni. Lene nyeni ibrim nide minu bigyati kwei bipek ammani kep.

SAMUEL GI NIGOM 25:29

Gino tungwagom cut igkep na di Andigpoi ba, bingon ei mem gima yai nimai bina lene tuhan minyohou na di Andigpoi noyam kin no di nyohou ndigban di nibok kak bibor. Noro tuhan micom na di Andigpoi ade siceu nya ug ei minu ting noyam kin no di ba bikumsikik biprindei tigya.

SAMUEL GI NIGOM 25:39

Tirigi Daud miap tut bipia Nabal mai su lene simbot dat “Dinggei sut tuhan! Noni buhup bak Nabal drek dip gi nggucak da kinei-kinau pima. Noni cuon Nide awak di dani leu dibon mun di kinei. tuhan kes hukum ei Nabal dip drek dip niyai mun kineisi tu.” Leu api Daud pinak tungwatu nya ndam Abigail leu binhyepo gino ce tut lene ma buwak nok nitnem.