MAZMUR 48:9 - ALLAH NIHYET MEM TUNGWATU NYA

⁹ Nyeni imiap ninghapti tut Allah de mindur di nipou pima tu. Noro tini bu ne ingat gima ei tuhan Di Ninyeng Jei Nide Minu Ndig bou igyai him tu. Minu ndig dima ne ide Allah Nide Minu Ndig ri. Noni ya srak ko hagau mpia dima bijo ninno bijo kikau.

MAZMUR 48:9 ပူးပေါင်းရင်းမြစ်များ

NIBOU NDIG NYA GI NIGOM 10:6

Gima rino noni pai bak Nibou Ndig Salomo “Anghapti di tibim tut mun dini yok ei ditingou nsi tirigi dibong ei ditimieisi pima hagom dem igbit ri!

NIBOU NDIG NYA GI NIGOM 10:7

Nipou ne diba dingon com bi bibou dikwei ngat hagom bou diyai him ug api diba dingon com. Noro dimiap anghapti tut mun nyeng poi he lewo angon ki bibor ba, anyeng tut ndigban nindig bibor ba, gima nindig dor njiriek mun di tibim ei ditingou nsi pima!

MAZMUR 104:34

Dijoi sut gima Noni joi sut doia di tibim ei duhui him lewo Noni bindei ba, dingon llei bibor.

MAZMUR 26:3

Diyok ngon kep angon ngakei dati bidingon gom tut Na kikau.

MAZMUR 40:10

tuhan e, tirigi Ade limwa nya imbus yam ei pima ne ditri tut bipia ateu nye biningwes ngun. Akan tut bipia midikimut duhui leu mun di ditri tut dima bi sren.

MAZMUR 87:5

Allah mitri tut Sion bipia ngkiai nya ei dihyeisi dini hagom mijem minu dima nok itimieisi ri. No Di Ninyeng Jei Bibor mibindei ba, minu dima sindem bibor binindig krop cem.

DIUN MIMUN 1:4

Ditde nibou ndig e, sibrim simig haninyai. Abuwak da ug ei ade ninsi di abong a. Abindei ba, nahagom ningon nggei-hi-nggei ba, nikon ade ningon ngakeisi ei nai dor njiriek ba anggur ngei. Dem mem gima sop gwam nitta pilei nya ingon ngakei na o!

YESAYA 26:8

Nibit Na di tuhan Ade nikos tutti nya ba, niyok ningon mem Na. Nani ne No di nikon ninyeng kin No di nijoi sut ri.

YEREMIA 31:40

Tungwatu nya mipigig sut mbang briep di itig nimai ngut ei ba, icom mumpiang cem eisi mem Dani bitut hanjop nsi nya ei Minyei Kidron nijjai kikau ug bipek kin Dimbou Hui Kuda ei nite bei mpia nipriti. Tungwatu nya minggek minu ndig Yerusalem bibindei timek bingwig bu bi sren.”