MAZMUR 48:2 - ALLAH NIHYET MEM TUNGWATU NYA

² tuhan ne No di kei-kau-kei. Nyeni ikon ninyeng bibor ei ide Allah de minu ndig di iwin ei mbigdip di kwes-kwau.

MAZMUR 48:2 ပူးပေါင်းရင်းမြစ်များ

MAZMUR 135:21

Ma jinggei sut tuhan ei Sion kin minu ndig Yerusalem di nok Nide mpia di ningat rin eisi cem. Ma jinggei sut tuhan!

MAZMUR 50:2

Allah de nisieng-siausi piga kwei leu minu ndig Sion di kei bibor kei bipiga kei.

MAZMUR 76:2

Allah ninyeng jei ei hanjop Yehuda. Ninyeng tibim bidem minu Israel nisurti-nipekti.

MAZMUR 87:3

Je di jibong ei minu ndig Yerusalem e, ma jingig jitingou mem Allah nihyet di bibon ninggap leusi tirigi Noni tri tut jide minu bipai,

MAZMUR 99:9

Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.

YESAYA 14:13

Abungwam ndam gima akui ug ei mpia-bbed him ba, atas ade banggo mbrei ei ham di gwam anai bibor dip! Akan bipia agwam nok nibou ndig ei nungug dip ei nite bei mpia nijjai di nok mpia di kwar nya idem yam eisi.

YESAYA 2:2

“Ei nidipti bu ne mbigdip di tuhan De Ig joti jei ndig krop dor njiriek mbigdip nindigsi nya hagom. Mben dihyeisi dini hagom minduk yam kwei ei gumihyep dima.

YESAYA 60:14

Yo po ico kep na pima imunggwom bat nya mikwei kuk yok ei amig him bikon anyenga. Yo po ingwes om kep na pima yahagom miba ibiau bicom mpia ei aho bei binggei sut na. Yoni mijem anyeng ‘tuhan De Minu’ kin ‘Sion’ cem kin ‘Mben Israel Ide Allah Di Kwes-Kwau Nide Minu’ cem.

YESAYA 66:10

Je di jingon ngakei minu ndig Yerusalem e, ma jiyai nillei bit. Je di jingon ngguk tut minu ndig dima e, nogindini ma jingon nggei-hi-nggei.

YEREMIA 3:19

tuhan pai “Je di mben Israel e, dijoi sut gima diya um je dem kep nok diya um dimunggwom bat nya ba, diyai minu di biyai jingon di kei bije. Minu dima kei-kau dor njiriek minu nindigsi ei dihyeisi dini hagom. Dijoi sut bipia jijem Dani Jicig rin apino mijinang leu Da bu bi.

NIBWOS-BWOS NYENTI 2:15

Yo di yahagom di injiriek kep na nya ighyet wer mpiahi tut na lewo atimek titut yam tu o! Ikit ibou nyen leu bipai “Gima ne minu ndig di kei bibor kei di tungwatu dihyeisi dini hagom inggap leu rin e?”

YEHEZKIEL 20:6

Mpe dima lene diba neheng bipai bipia midibuwak yok kwei leu minu Mesir ndam minu gom di dimig ei mem yok. Minu dima bon ninnumti di kei kin dihyei di kei bibor kei dor njiriek minu nindigsi ei dihyeisi dini hagom.

DANIEL 11:16

Nibou ndig minu Siria dima bon mun bit leu nonti ningon kanti lewo hi dima sindem mem gima hwen no poi mien cem bi. Noni yai minu di kei-kau dor njiriek minu nindigsi nya biyati ba, ninyeng tak kep titut yam.

DANIEL 11:45

Ningat ne noni hok nide prak meng yati di bindo tut ninyeng jeisi ei muk ngei kin nungug di tuhan De Ig joti ikieti. Noro niabiati bu ne noni tug ndei nimai lo, hi di mpu noni bi.”

DANIEL 8:9

Leu api nibou nggai nimien gom ntun nibou nggai bitai dima gom him binindig bibor ba, ninyeng jei cem. Nide nisindemti mbut bidem nite bei mpia nibiho kin nite bei mpia nipriti bimbut ug ei nite bei minu di kei-kau dor njiriek minu nindigsi nya.

MALEAKHI 1:14

Midisigion niris mun cig di nyeng tut nide mindhe di pap-nap kei bibor di noni bet ei mem Da noro ris lene ba mindhe di kinei bibor biluei bu leu api ttei gima mem bikuk no biDa! Lewo Dani ne Nibou Ndig Di Dinyeng Jei ba, mben dihyeisi dini hagom inggei sut Da.”

MALEAKHI 3:12

Leu api ngkiai nya yahagom mitri tut biyam bipia jingon llei bibor lewo jide minu dima bon mpia di kei bibor kei mem tungwatu nya di ingot ide ig eisi.”

MATIUS 5:35

Ma jeheng bitug hon dihyeisi dini au. Lewo dihyeisi dini ne bilen mem Allah nimig ri. Ma jeheng bitug hon minu ndig Yerusalem au. Lewo minu ndig dima ne Nibou Ndig nibongti ri.

IBRANI 12:22

Noro tut jeni ne jikwei ya hon nungug Sion kin Allah Di Niyaijo De minu ndig di Yerusalem nijep ei gwamti bitut malaikati nya ibou sribu-ribu tu.