MAZMUR 47:6 - ALLAH NIHYET MEM TUNGWATU NYA

⁶ Tungwatu nya iba ingon di llei bimbos-hi-mbos bimiep pun mang bibor tirigi Noni kui bigwam ei Nide banggo mbrei dip.

MAZMUR 47:6 ပူးပေါင်းရင်းမြစ်များ

NIBOHON MBEN ISRAEL GI NIGOM 15:28

Mben Israel yahagom injei nyahan bit Brua Gi Preu dima kikau ba, ikwei krau minu ndig Yerusalem kep. Lene iba ingon di llei bimbos-hi-mbos cem imiep pun mbrei nicun nya kin nijei nya cem ibui yeng beng ngkimom-tembaga cem ikek nggong mbrei nya cem.

NIBOHON MBEN ISRAEL GI NIGOM 16:9

Jipai doia ba, jibinggei sut tuhan. Jitri tut niyai munti nya di bindei ba, tungwatu nya inga leu sut hagom.

NIBOHON MBEN ISRAEL GI NIGOM 29:20

Daud ngat nadi nok gima leu lene cuk yo di imang bibor di idem yam ei dima “Ma jikon jide tuhan Allah ninyeng o!” Leu api yahagom ikon tuhan Allah di idigup bat-idigai bat nya ikuk yok bak ninyeng a. Lene yahagom iba ingwak bikik dihyei mem gima ibou bicut bak tuhan kin ide nibou ndig.

MAZMUR 145:1

Daud de doia nibinggei sut tuhan. Ditde Allah kin ditde Nibou Ndig e, miditri tut anyeng di jei bidipai sigyo biNa bijo ninno bijo kikau.

MAZMUR 68:4

Noro yo di ingon sren nya igyai nillei ba, inggei-hi-nggei nindig bibor. Yoni imbos-hi-mbos bigyai nillei ei Allah Noho bei.

MAZMUR 89:18

Abindei ba, nihwen nyende siceu nya bitimek bingwig. Nico kep nyende nitok joti nya tug hon asingat tut nyeti.

NEHEI LEUSI 15:21

Lene Miryam kon doia mem yahagom imiap bipai, “Jikwei ba, yahagom ipai doia bibinggei sut tuhan lewo Noni bindei timek mben Mesir bihigom tu. Noni com kuda nya kin yo di ibri kuda nya yahagom ug ei minyeiti tu.”

YESAYA 33:22

tuhan nok ide nibou ndig ba, ninyeng mitak kep nye. Noni ne nikei di tri tut nicukti nya ri. Leu api Noni miteu nye ba, ingwes ngun leu ide siceu nya.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 27:37

Ipek srat meng gom di ipas Nide hukum eisi anai nibou. Nipas kepti pai “No dini ne Yesus di Nibou Ndig mben Yahudi ri”.