MAZMUR 46:6 - ALLAH NIHYET MEM TUNGWATU NYA

⁶ No rinaha ei minu ndig dima apino bit bon nide siceu nya ibindei sar bi sren ug a. Noni mikiju bimpu nide limwa nya bikwop njap tekti.

MAZMUR 46:6 ပူးပေါင်းရင်းမြစ်များ

NIBOU NDIG NYA GI NICAN 19:34

Midicuon ser minu dini niyaisi bidiya ser jide siceu nya cem. Tug hon nisinati dima lene tungwatu nya mikuk yok biDa. Mun po dipreu ei mem Ditde awak di Daud pima mipek kep mem je.”

NIBOHON MBEN ISRAEL GI NICAN 20:1

Nijam gi nidipti bu ne tentara Moab kin Amon nya igya tut tentara Meunim nya di ibicom yam bit yok nya ba, injei bihwen minu Yehuda.

MAZMUR 125:1

Doia nikui ug ei Mbigdip Sion. Yo di iba ingon com tuhan rinoyam kin Mbigdip Sion di ugwa-kwei bison-son nyen leu nijoti kan bi sren.

MAZMUR 18:13

Kigyei ei Noho bei bindei com biget di mbras nok tig njep kin hum di cut kwei bitibim bumbuhui di ndok pimati.

MAZMUR 68:33

Je di ngkiai nya e, ma jahagom jipai doia bak Allah lene ma jiba jide doia binggei sut tuhan,

MAZMUR 68:8

Allah e, tirigi po abuwak Ade limwa nya ba, abie tut yok bimbut kak iggum ndigsi di ngak-cai pima ne,

MAZMUR 97:5

Nungug nya cem jet bidem lilin ngei ei tuhan di ninyeng tak kep dihyei nisurti-nipekti Noho bei.

YESAYA 31:5

Bit leu nok ha wek gom di kieng ninyehei gau nimien bat di ibong yahamti ne Da di tuhan Di Sindem Bibor midiya srak ko hagau mben Yerusalem bidiya ser yok bidiya srak ko hagau yok ba, diteu yok bingwes ngun cem.”

YESAYA 33:20

Ma jimian huk minu ndig Sion di bon nibousi mem nyeni ibon midut nya eisi. Ma jimian huk minu ndig Yerusalem! Mpe dima lene timiei nya yahagom ibong kei igwam kei. Yoni inok prak meng di jo nijoti kikau. Hi dima krop prak meng dima ba, hi dima tiba patok cem hi dima bindei ba, nikuk tun cem bi.

YEREMIA 25:30

Yeremia e, ma atri tut mun nyeng hagom di dipai bina. Apai biyok, ‘tuhan nihyet tibim kwei leu gwamti dem kep kru di cut a. Noni kes nihyet di dem kep kru di nugwei bong kwei leu gumihyep di kwes di gwam niti bibihwen Nide limwa nya. Noni ba nihyet di nindig bibor bimbrua ba, timiei minu dini yahagom imiap nihyet di dem kep no di kimut-kimut nyen ba anggur ngei ei mun di ikimut ningei kikep eisi nihyet.

YEHEZKIEL 48:35

Ngug tig dima titut yam nijeisi dem kilometer muhwindatai. Hon ammani bikui ne tungwatu nya mijem minu ndig dima ninyeng “TUHAN NINGAT RIN EI SIRIMA!”

YOEL 2:11

tuhan nihyet di tibim kwei di bicuk Nide tentara di ikon pran kan nya dem kep nok kru di cut a. Yo di ibit nicuk yokti dima imangti ningot ndig ba, isindem bibor. tuhan de Njap dima ne njap di buhun bibor ba, kinei bibor cem rin ba, tou riningwes ngun i?

AMOS 1:2

Amos pai “tuhan yau-yau nyen kwei leu Nide Mbigdip di Sion. Nihyet di tibim kwei leu minu ndig Yerusalem noyam kin kru di nisu bong di bindei ba, abris nghousi kin minta ei Mbigdip Karmel hagom mui bingwig.”

AMOS 9:13

tuhan pai “Ei nidipti bu ne nijam di biang ninnum keisi mibindei ba, gandum ngat ningat didiyam. Nipou tirigi ikos gandum nintam di len bigyo ne nikioi mikieng hanyen eisi. Nipou tirigi ikimut ba anggur ngat ei mun di ibikimut ningat eisi bingwig bigyo lene hiter mibiang ningat hi kin bu kwei lene nok gima bijo ninno bijo kikau. Ba anggur ngei mitinnim kwei leu nungug him nya bibiam kwei leu nungug tou nya cem.

AMOS 9:5

tuhan Di Ninyeng Jei Bibor ba, Sindem Bibor cem ngget dihyeisi dini bibindei ba, ugwa-kwei lene biyai ba, timiei dihyeisi dini yahagom ingon buhun bibor. Dihyeisi dini titut yam dwoi bisri hanyen noyam kin Minyei Nil di dwoi lene sri hanyen.

MIKHA 1:4

Noni bindei ba, nungug nya jet bingwig noyam kin lilin di jet ei humti ei nimig jou. Nungug dima jet ba, kau dop kak bisunggung ug ei mbang briepti nya noyam kin minyei di biam leu mbigdip nya kikau ug ei nimig nya.

NAHUM 1:5

Nungug nya ugwa-kwei nyen ei Noho bei lene mbigdip nya cem jet ningwig a. Gino Noni tau kep nye ne dihyei bingmai ba, dihyei kin timiei dihyeisi dini yahagom ingon bingmai.

NINDAT KEP TUHAN NICUKTI NYA 7:21

Gima rino ma jittin tut mben dima yok au. tuhan di nok jide Allah ningat rin bit je. Noni ne Allah di sindem bibor di bindei ba, tungwatu nya idigit tut Noni ri.

YOSUA 2:11

Tirigi jinghapti tibim kwei ei nyeni nitingou nsi lene nittin tut je bibor. Jibindei ba, mimbri cut leu nyende mben nya. tuhan di nok jide Allah ne Allah Di Sindem Bibor ei mpia-bbed him kin dihyeisi dini cem ri.

YOSUA 2:24

Bipai ighyet ningwigsi nok gini “Jo nibreisi mem nye bipia tuhan miyai minu dima nisurti-nipekti hagom binye ug ri. Lewo timiei nya yahagom ittin tut nye.”

YOSUA 2:9

bipai biyok “Dikan tut bipia tuhan yai minu dini hagom bije. Lewo timiei minu dini yahagom ittin tut je di mben Israel.

NINGAT-HI-NGAT NYA 20:11

Gima ngwig leu lene dingat banggo mbrei nitiei di nindig bibor kin No di gwam dip. Dihyeisi kin mpia-bbed him pror hak leu No dima Noho bei ba, ingat gima yok bu bi sren.