MAZMUR 46:3 - ALLAH NIHYET MEM TUNGWATU NYA

³ Mbro nok gino dihyei mun brim ba, nungug nya cut bisar ug ei muk jou lo, nittin tut bi.

MAZMUR 46:3 ပူးပေါင်းရင်းမြစ်များ

NIBOU NDIG NYA GI NIGOM 19:11

Lene tuhan buhup “Ma ahei ug ei nisai ba, aya ei Doho bei ei mbigdip dini.” Lene tuhan mbut njiriek mpia dima leu api pinak hou di nimig ten bibor di bindei ba, nungug nya sra hacan ba, bor ngug nya ki binnir-wap bibie. Noro tuhan ndo Nonti tug hon hou dima bi. Tirigi hou kes hon bintus hak lene dihyei ugwa-kwei noro tuhan ndo Nonti tug hon dihyei di ugwa-kwei dima cem bi.

AYUB 38:11

Dipai bak muk ngei ‘Hon tiri! Apigau hanjop nibikkinti au! Ma muk di tti nindig bibor kes hon bipigau hanjop dini au.’

MAZMUR 18:4

Dipai sigyo bak tuhan! Lewo mpe di po dahara Noni pima ne Noni kwek dani leu ditde siceu inda nsi.

YESAYA 5:3

Gima rino disut pai “He je di timiei minu ndig Yerusalem kin Yehuda nya e, ma jigwam nok nikei ba, jikos tut mem dani kin ditde miai ba anggur dima.

YESAYA 54:10

Mbro nok gino mbigdip nya kin nungug tou nya ugwa-kwei bitti bingwig lo, midingon ngakei na bidingon kwes kin na bit leu nok dipreu ei mem nati bijo ninno bijo kikau.” Nihyet dima tibim kwei leu tuhan di ningon ngakei na nuhui him.

YEREMIA 4:24

Diyai bong kep nungug tou kin mbigdip di anai nya bidingat lo, hagom ugwa-kwei nindig bibor.

YEREMIA 5:22

Dani ne tuhan ri. Nggon rino jittin tut Da bi i? Suar jidigit tut Da! Dani rino dipai tes muk nintig dip di bikkin ser muk ngei di dwoi njiriek bi bijo ninno bijo kikau. Muk dwoi nindig biroi lo, njiriek hanjop niya kwas yamti dima bi.

MIKHA 1:4

Noni bindei ba, nungug nya jet bingwig noyam kin lilin di jet ei humti ei nimig jou. Nungug dima jet ba, kau dop kak bisunggung ug ei mbang briepti nya noyam kin minyei di biam leu mbigdip nya kikau ug ei nimig nya.

NAHUM 1:5

Nungug nya ugwa-kwei nyen ei Noho bei lene mbigdip nya cem jet ningwig a. Gino Noni tau kep nye ne dihyei bingmai ba, dihyei kin timiei dihyeisi dini yahagom ingon bingmai.

MATIUS 7:25

Tirigi nijam dem mem mpia but ba, minyei su bibiam sindem lene hou di ten cut cem ba, hwen ig dima noro tti bi lewo no dima ngot ig ei tig di nok cou nipmem dip.

NINGAT-HI-NGAT NYA 16:20

Mios nya kin nungug nya cem hagom pror hak.

NINGAT-HI-NGAT NYA 17:15

Leu api malaikati dima pai bida “Minyei ngwa dip di angat di sundal gwam ningwa dip dima ne minu nya kin keret nya kin mben nya kin nihyet nya ri.