9 Ade sinsun wer ui-gwang kei nok mur kin gaharu kin cendana di nyop kei cem. Yo di ikek musik ei ig nibou ndig di iba gaja nikwai di jei bibor bimau ibindei ba, angon nggei-hi-nggei.
Lene Batsyeba ug sut Adonia ningon kanti dima buug ngat nibou ndig biya hacan mem Adonia. Nibou Ndig kiju biya um nipmem lene bikuk no bak leu api gwam jug ei nide banggo mbrei dip hanyen. Lene cuk nide awak hi bikon bilen mbrei hi mem nipmem bigwam dip bei ninda com.
Noro dicuk na bipia ma no dima ningwes ngun leu hukum au. Dikan tut bipia angon ki. Mbro nok gino noni wer andig-ndau su lo, suar abindei ba, noni cem tug ndei hukum nimai.”
Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”
Bit leu nok pinai pilei di wak nitnem. Nongkom ninyeng tak kep sop gwam nitta pilei di noni yok wa kep tu. Noro nisut di ya kui noni ntu kep nihyet apino ningon llei sut. Nok gima tut dani cem. Nogindini diyai nillei titut yam ei dingonti.
Jikwei ba, ingon llei bibor cem inggei ngwig sut Allah tut ninyeng jei biborti. Lewo tto bou dem mem Domba Pmot wak nitnem ba, no di sop tin ei mem niwak yamti tu.
Lene dingat lo, minu di kwes-kwau di minu ndig Yerusalem nijep srek kwei leu Allah ei gwamti. Allah tin ei minu ndig dima dem kep sop di juk sinsun di tiei kei bitin ei mem gima wak nijep.
Lene malaikati gom leu malaikati ibou muhwindacan di ikwei sut bokor di ut tut nsuwer ajar ningat muhwindacan di jo mem njap ningwig honti kwei pai bida “Akwei bidindo no di sop di Domba Pmot wak tu ba, noni ne nitnem rin bina.”