MAZMUR 45:7 - ALLAH NIHYET MEM TUNGWATU NYA

⁷ Allah yai nisindemti bina mem gima anyeng tak kep limwa nya. Ade nisindemti jo ngkiem bijo ninno bijo kikau. Aba angon srenti binyeng tak kep ade limwa nya.

MAZMUR 45:7 ပူးပေါင်းရင်းမြစ်များ

NIBOU NDIG NYA GI NIGOM 19:16

Lene aba mini nibon midut hi kin bu bita Yehu di Nimsi nipmot nok nibou ndig mem mben Israel. Lene aba mini nibon midut hi kin bu bita Elisa leu Abel-Mehola di Safat nipmot nok nabi di ya luei ahoti bu.

MAZMUR 101:8

Midicok tut yo di isibut nya di ibong ei minu dini sindam bikwop mmun-njap hagom bidibindei sar yo di ibon kep mun di kinei nya yahagom leu tuhan de minu ndig.

MAZMUR 11:7

tuhan singat kei ba, ningon sren-srau. Ningon ngakei yo di ibon mun di kei nya. Yo di ingon sren kei nya mingat tuhan Ningat igbit.

MAZMUR 2:2

Nibou ndig dihyeisi dini ikiek imig jou tut Tuhan bigyok ingon gom mem Noni kin nibou ndig di Noni ndo ei su.

MAZMUR 21:6

Noni yai ninyeng jei bibor lewo ampu noni apino ninyeng tibim bidem minu. Gima rino yo di yahagom ibou cut binoni bibor.

MAZMUR 33:5

tuhan ningon ngakei ningon di kwes-kwau kin ningon di sren-srau. Ningon ngakei nyeti ug hon nohonti bi bikieng kep dihyeisi dini hagom.

MAZMUR 89:20

Ambot kep bak ade awak di ingon gom nya tug hon ningat-hi-ngat mimbrek ngan tu “Dimpu tentara di ninyeng jei gom. Dita no di didimig leu ditde limwa nya ikieti ei banggo mbrei tu.

MAZMUR 89:26

Midibindei ba, nide ninyeng tak kep limwati nibresti jo leu Muk Hacan kikau ug bipek Minyei Efrat.

MAZMUR 99:4

Na di nibou ndig di asindem bibor e, angon ngakei Ade nikos tutti nya. Ata ningon sren-srausi kin nicukti nya kin nisingat tut yamti ba, abipingok kep Ade limwa nya ingonti leu binhyepo ibon mun di igbit ningkom.

YESAYA 11:4

Noni migwam nok nikei di ningon sren-srau mem yo di yuhui mbum nya bimbrap gau yo di isindem bi nya. Noni mibindei ba, yo di ibon mun di tunggwei mitug ndei hukum tug hon nide nicukti ba, yo di imbuk bibor nya mitug ndei nimai.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

IMAM NYA IDE MIDYAI 8:12

Lene noni ug yai mini hi kin bu bikiber ei Harun nibouti leu binhyepo bita noni mem nide midyai.

MATIUS 3:15

Noro Yesus buhup “Nok ug e. Lewo tug hon nisinati dini ne siyai mun bit leu Allah ningon kanti mem sa.” Lene Yohanes ce.

MATIUS 7:23

Lene dibuhup biyok ‘Dikan tut je bi sren. Juug bihigom leu Da lewo jisibut bibor!’ ”

LUKAS 13:27

Noro noni mibuhup ‘Dikan tut jikwei leusi bi ba, juug bihigom leu Da lewo jisibut bibor!’

LUKAS 3:22

leu lene Ninnei Gi Kwes di luei nitta binok hakimoi dwop juk bigwam ei Yesus dip. Leu api nihyet gom tibim kwei leu gwamti bipai “Nani ne Dipmot rin ba, dingon ngakei Na bidijoi sut Na cem.”

YOHANES 1:16

Nihyet dima nisingat tut nyeti bindei ba, Noni njei mun di kei binye sindam buug hon nohonti bi.

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

KISAH 2:28

Ba, ando puig di bie tut da ug ei niyaijo nijepti apino dingon llei bibor bidingon nggei-hi-nggei cem lewo aya kui da.’

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.

EFESUS 1:3

Jikwei ba, inggei sut Allah di nok ide Yesus Kristus Nicigya! Lewo Noni njei mun di kei di ntun gwamti him ninyeng hagom bak innei drek dip gi inok gom kin Kristus.

IBRANI 1:9

Angat angwes ei yo di ingon sren nyati noro angon mpo tut yo di isibut nya. Gima rino Tuhan di nok Ade Allah dimig Na leu binhyepo bindei ba, ayai ningon llei biborti tug hon anyeng di jei dor njiriek asut bat nya.”

IBRANI 2:14

Yo di Noni simbot dat bipia munggwom nya ne tungwatu di itug ndei nimai rin. Gima rino Yesus luei nitta binok tungwatu bibon Nonti nok timiei dihyeisi dini. Noni yai nok gima leu binhyepo ba nimaisi binggek tut Bilis di ninyeng tak kep minu nimai nya ide.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

NINGAT-HI-NGAT NYA 21:27

Noro mun di map kuisi kin yo di irom ndok nya kin yo di ibicum nya icoi ug ei minu ndig dima bi sren. Yo di inyeng jo ei Domba Pmot De Srat Yo Di Igyaijo Nyati he rimicoi a.

SAMUEL GI NIGOM 16:13

Haninyai Samuel hit ampou tut mini zaitun pima bisiber ei Daud nibou nggram him bou nikindig bat nya igyai him. Mpe dima lene tuhan Ninnei sindem tut noni ba, ningat rin bit noni kikau. Lene Samuel ngkwei hanyen ug ei minu ndig Rama.