MAZMUR 45:2 - ALLAH NIHYET MEM TUNGWATU NYA

² Nihyet di dia-diau kei biam nok minyei leu dingonti lewo dipai doia dini drek dip nibou ndig. Didweb tin ei noyam kin no di nibou ngwakti kan tut nihyet nibiti nindati igkei lene ba nide buk bipas.

MAZMUR 45:2 ပူးပေါင်းရင်းမြစ်များ

MAZMUR 21:6

Noni yai ninyeng jei bibor lewo ampu noni apino ninyeng tibim bidem minu. Gima rino yo di yahagom ibou cut binoni bibor.

NIPINGOK NINGONTI 22:11

Nibou ndig mijem nisut bit no di biyai hamem ningon gomti kin nihyet mmau keisi.

NIPINGOK NINGONTI 5:2

leu binhyepo ayai munti nya kei ba, ambrapti mindo brei bipia nani ne no di ningon dorti tut mun nyeng hagom ri.

DIUN MIMUN 2:3

“Biei apel di ya srig bieiti ei bigbehei bindo tut no di ngwam kep da di dingon ngakei bibor di ningat rin ei pinai pilei nya ikieti. Dijoi sut digwam nyahan ei biei dima nibehei bidiyem ningat di nyop kei.

YESAYA 33:17

Ei nidipti bu lene mijingat nibou ndig di ba Nide nikei-kau-keisi bininyeng tak kep je bou jiyai him. Ninyeng di tak kep mikieng kep dihyei nisurti-nipekti hagom.

YESAYA 50:4

tuhan Di Ninyeng Jei Bibor ngginau da lene bindei ba, diji ngkiem leu binhyepo dihyet mibiwin kep yo di inghuisi wei nya ingonti. Noni bindei ba, dingon bisau sut Nide nipingok dati nya bikwop njap bigyoti.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

ZAKHARIA 9:17

Igbit ri! tuhan de dihyei mikei bibor kei ei nidipti. Igbit ri! Dihyei di kei bibor kei bidia-diau kei dima bindei ba, ba anggur kin gandum hei billei kei eisi. Gandum kin ba anggur ngei dima bindei ba, pinai pilei nya kin sop gwam nitta pilei nya ide nisindemti kum eisi bu.

MATIUS 17:2

Tirigi yoni iba igyai nghuisi jik kep Yesus lene ingat lo, Noni luei nitta ba, niimaisi piga kei dem kep mpia comti ba, Nide sinsun sieng-siau bitiei kei.

LUKAS 4:22

Yo dima yahagom ice nihyet bipai “Igbit ri” binggap leu tut nihyet di ba niji nghai bitri tut di kei bibor di tibim ei nuhui him. Ihig ser yam “Noni ne Yusuf nipmot rin bi e?”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 7:46

Yo di igya ser Tuhan De Ig ibuhup “Mbenjen! Nimiap tungwatu nya ighyet hi nok No dini nihyet bigyo!”

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.