MAZMUR 45:11 - ALLAH NIHYET MEM TUNGWATU NYA

¹¹ Nibou ndig nitnem e, angig atingou mem dihyet di dipai hwou bina. Ma abbwe ser ade mben kin ade adig-ajoi nya cem hak ug.

MAZMUR 45:11 ပူးပေါင်းရင်းမြစ်များ

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

MAZMUR 45:6

Tibor ade di nggwen tibim ade siceu nya ingonti bikus nite hi leu ba, ngkiai nya icut ug ei amig him.

MAZMUR 95:6

Jikwei ba, ikuk nye ei nimig him binggei sut Noni. Iba ibiau bicom mpia ei tuhan di pai tes nye Noho bei.

DIUN MIMUN 1:8

“Na di ubbu ngat ei sop nya ikieti e, nggon rima akan tut mpia dima bi i? Abit nimpung domba nya yoho hak ba, anggok abris nghousi mem yok dideu gembala nya ide prak meng yati nya.

DIUN MIMUN 2:14

Ayo! Ditde hakimoi di bong tig nggreti anai bibor e, ma asindui sut ba, dingat aimaisi mbigom bidimiap ahyet gom ug e. Lewo aimaisi kei-kau lene ahyet mmau kei.

DIUN MIMUN 2:2

“Mitou bakung di ya war tigot-tigau nghousi bindo tut no di ngwam kep da di dingon ngakei bibor di ningat rin ei sop gwam nitta pilei nya ikieti.”

DIUN MIMUN 4:7

Nani ne ditde sop ubbu ngat di ninjei hwen rin ba, mun di kinei hi rap nani bi.

DIUN MIMUN 6:4

“Ditde di ninjei hwen e, nani sop ubbu ngat ri. Ade nuubbuti dem kep minu ndig Yerusalem kin Tirzah yuubbuti. Abrim dingon bibor dem kep nimpung tentara di injei sut ide kendera nya di bindei ninggap leusi.

YESAYA 54:5

Jide Nipai Tes Mun Cig mibon Nonti nok ajjep. Mben Israel ide Allah di kwes-kwau miteu na ba, angwes ngun. Ninyeng rino tuhan Di Sindem Bibor ba, ninyeng tak kep dihyeisi dini hagom.

ZEFANYA 3:17

Jide tuhan Allah di sindem bibor nyohou je. Joom kep mun nyeng hagom tug hon Nide nisindemti. Ningon nggei-hi-nggei ba, nillei ngwig sut je. Noni ba Nide ningon ngakei jeti biyai niyaijo nijep bije.

LUKAS 24:52

Yoni iba ibiau bicom mpia binggei sut Noni leu api iba ingon di llei bibor bingkwei hanyen ug ei minu ndig Yerusalem,

YOHANES 20:28

Tomas pai bak Yesus “Nani ne ditde Tuhan ba, Allah di dikuk da bak ri!”

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

ROMA 14:9

Lewo Kristus mai leu api kiju hanyen leu nimai eisi ba, niyaijo hanyen bu leu binhyepo yo di igyaijo nya kin yo di imai su nya ipai bipia Noni ne ide Tuhan ri.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,