MAZMUR 43:3 - ALLAH NIHYET MEM TUNGWATU NYA

³ Akes angon gomti bijo ei nibreisi nok ninjeng di piga digai puig bibie tut da leu binhyepo dibingkwei hanyen ug ei Sion di nok Ade nungug tou di adimig ei bikwes-kwau ba, ug ei Ade Ig di abong ser cem.

MAZMUR 43:3 ပူးပေါင်းရင်းမြစ်များ

SAMUEL GI NICAN 15:20

Akwei bong timiei bit nye mem nijam di jei bi. Gi mbun dibidip huk na leu binhyepo abong-bong nyen bit da kan bi. Lewo dikan tut minu di dinang ug eisi hi bi. Nna ba angkwei hanyen ba, abuwak asut bat di ade mben nya bibit na. Handei kon ba, tuhan ngondut je ba, ningon gom tut je.”

SAMUEL GI NICAN 15:25

Lene nibou ndig pai bak Zadok “Ma angkwei sut Brua Gi Preu hanyen ug ei nijoti. Gino tuhan joi sut da lene Noni misindui sut ba, dikwei hanyen ei nidipti bu leu binhyepo diyok diyai kep brua dima kin mpia ttou nsi di joti.

NIBOHON MBEN ISRAEL GI NIGOM 16:1

Brua Gi Preu dima ne ittei bikes ei prak meng nsi di Daud tin ei mem tu. Leu api ibon midut nindig mindhe titut kep humti kin midut nibiyai ningon kwes kin Allahti ei nimbar hum dokti. Iba nibon midut dima bikuk yok bak tuhan.

NIBOHON MBEN ISRAEL GI NIGOM 16:39

Noro indo Imam Zadok kin imam nindigsi nya mem gima yahati tut nibon midut nikuk no bak tuhan di mbut kep ei gumihyep di idimig ei mem pima ei Gibeon.

NIBOHON MBEN ISRAEL GI NIGOM 21:29

Ei nijam dima ne tuhan De Prak Meng di Musa bon ei iggum ndigsi pima kin nimbar hum dok di mem nibon midut nindig mindhe-ndhe eisi no jo nijoti ei gumihyep di ikuk yok bak tuhan eisi di jo ei Gibeon.

MAZMUR 119:105

Ahyet ne ninjeng di bie tut da ba, nipigati di piga digai puig mem da ri.

MAZMUR 143:10

Angginau da leu binhyepo diyai igbit angon kanti lewo Nani ne ditde Allah ri. Ma asingat tut da ba, abie tut da kak puig di sur yam kei.

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

MAZMUR 3:4

Noro Na di tuhan rino anok mun di dibipuk kep ser tibor ninggwenti nya. Abindei ba, dicut ditde siceu nya ba, abiwin kep dingonti cem.

MAZMUR 36:9

Ingon cut hon njita di mpung bipias hagau ei Ade Ig. Asindui sut ba, nidut minyei di biam kwei leu angon singat tut nyeti.

MAZMUR 40:11

Diku dihyet tut angon gomti kin Ade niteu yok leu sisarti bijo nding ei dingonti bi. Noro ditri tut Ade nimpu nyeti kin angon gomti bijo ninno bijo kikau. Tirigi Ade limwa nya imbus yam ei ne dikimut duhui bi noro ditri tut angon ngakei nyeti kin angon gom tut nyeti biyok.

MAZMUR 42:4

Dipim kikau mem mmun-njap bidiyem kep diyai nggwei noyam kin diyem njita. Ditde siceu nya ihig da mem njap jei bipai “Ade Allah No ritou i?”

MAZMUR 46:4

Mbro nok gino sigau hwen muk ndigsi ba, muk tti nindig bibor bibindei ba, nungug tou nya digit-digit nyen lo, nittin tut bi.

MAZMUR 57:3

Dahara Allah Di Ninyeng Jei Bibor di yai nibou tut mun nyeng hagom di disuar nya.

MAZMUR 57:4

Noni mibuhup dihyet leu gwamti biteu da ba, dingwes ngun. Noni mibindei timek yo di ico kep da nya cem. Allah mindo bipia ningon gom tut da ba, ningon ngakei da bikwop ug.

MAZMUR 78:68

Noro dimig keret Yehuda kin Mbigdip Sion di ningon ngakei.

MAZMUR 84:1

Doia Korah ninsi de mem no di bie tut doia nimpung nya bit leu nihyet nibikiek Gitit.

MAZMUR 97:11

Nipigati piga mem yo di ingon sren ba, ningon di llei piga mem yo di ingon kwes.

MIKHA 7:20

Mporo ma ando Ade ningon gomti kin Ade ningon ngakeisi di ug hon nohonti bi bak Ade limwa nya di intun Abraham kin Yakub him bit leu nok apreu ei mem nyeni nidigup bat-nidigai bat nya nipou su.

MIKHA 7:8

Ide siceu nya ipai mun mem ibisu tindei ingon di kei kep nye tut gi itimek bingwig bi. Mbro nok gino nyeni icut tu lo, jei bi ne ikiju hanyen bu. Nogindini ingat rin ei nidinditi noro tuhan mipiga digai nye bu.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

YOHANES 1:4

Nihyet dima ne nibousi mem niyaijo nijep ri. Niyaijo nijep dima ne nipigati di piga ei tungwatu nya ingonti ri.