MAZMUR 43:1 - ALLAH NIHYET MEM TUNGWATU NYA

¹ Allah e, ma asimbot dat hak ug bipia dingon ngun. Ma ambrap gau da ei nikei noho bei tirigi timiei nya ei dingkiaisi dini ipai kep da. Ma ateu da bidingwes ngun leu yo di isibut nya kin yo di iris igkei nya indati.

MAZMUR 43:1 ပူးပေါင်းရင်းမြစ်များ

SAMUEL GI NICAN 15:31

Tirigi Daud miap tut bipia Ahitofel tti kin Absalom tu lene noni ngat nadi bipai “tuhan e, ma abindei ba, Ahitofel de nipingok Absalomti hagom pek kep au!”

SAMUEL GI NICAN 16:20

Lene Absalom kiek no bingat Ahitofel bipai binoni “Nogindini ikwei krau su. Apingok nye tut igyaisi.”

SAMUEL GI NICAN 18:8

Pran dima kieng kep hanjop dima nisurti-nipekti hagom apino yo di itug ndei nimai ei bigbehei di dimbun kei dima imangti nindig dor njiriek gi hi di itug ndei nimai ei mpia di ikon pran eisi.

MAZMUR 140:5

tuhan e, anyohou da leu yo di isibut inda nsi. Ma aya ser da leu yo di iba isibut biyok ingon gom mem gima ibindei timek da nya inda nsi.

MAZMUR 26:1

Doia Daud. tuhan e, asimbot dat bipia dingon sren lewo diba dingon com Nani. Dihig dingon ei Nati poi mien cem bi.

MAZMUR 35:1

Doia Daud. tuhan e, ahwen yo di ihwen da lene akon pran bit yo di ikon pran bit da.

MAZMUR 35:24

Ditde tuhan Allah e, ambrap gau da lewo angon sren-srau. Ma asindui sut ba, ditde siceu nya ingon kei kep dani au.

MAZMUR 5:6

Ayai ngkek ttin ser yo di ikon yonti ba, akou sut yo di isibut nya yahagom.

MAZMUR 54:3

Allah e, ateu dani bidingwes ngun tug hon Ade nisindemti. Ambrap gau dingon ngunti tug hon Ade nisindemti.

MAZMUR 7:7

tuhan e, aba Ade nigga biborti bikiju ba, ahwen ditde siceu di iba nitok bida ide ningon kui kep dati hak ug. Akiju ba, ampu da lewo Nani rima akes ahyet bak nikei nya.

MAZMUR 7:8

Aba ngkiai nya bicom yam ttai Na ba, anyeng di tak kep yokti kwei leu Ade banggo mbrei ei gwamti.

MAZMUR 7:9

tuhan e, Nangkom di ambus tungwatu ingonti kan rin ba, akos tut mun di igbit bida. Lewo dibon mun tunggwei hi bi.

MAZMUR 71:4

Ditde Allah e, ateu da bidingwes ngun leu yo di isibut kin yo di ingkek ndok nya inda nsi.

MAZMUR 75:7

Lewo hukum di micut igkep tungwatu nya mikwei leu mpia nipriti kin mpia nicutti bi. Mikwei leu mpia nijjai kin mpia nibiho cem bi.

NIPINGOK NINGONTI 22:23

Lewo tuhan mimbrap gau yok tut ide munhyet bikus yo di isrep huk yok innei leu.

NIPINGOK NINGONTI 23:11

Lewo tuhan di sindem bibor mimbrap gau yok ba, tte tut na ei nikei noho bei.

MIKHA 7:9

Ibon sisar tut tuhan tu. Nogindini suar iba ibou coi mem ningon di sibui sut nyeti. Noro jei bi ne Noni miya hacan mem nye bibuhup bak yo di ibon mun tunggwei sut nye cem. Noni mibuwak nye leu nidinditi ug ei nipigati lene bindei ba, igyaijo bingat nituti tirigi Noni teu nye bingwes ngun.

KORINTUS GI NIGOM 4:4

Dingon mien huk niti tut mun nyeng gom bi. Mbro nok gima lo, mun di ndo bipia dingon ngun ningat rin bi. No di mimbus dingonti rino Tuhan Nongkom di kos tut bipia diyai mun tunggwei sut e he, diyai mun tunggwei sut bi e?

PETRUS GI NIGOM 2:23

Tirigi ikucang Noni ne buhup bikucang yok hanyen bi sren. Tirigi ihwen bit Noni ne cug yok bi lene ba nihwen bit yokti birop hanyen bi sren. Noro kes munhyet dima ei Allah di nok Nikei di ningon sren-srau nindati.

SAMUEL GI NIGOM 24:15

Andigpoi e, ma angig ayai kep no di nibou ndig Israel bungwam mem gima yai nimai bak i! Angig ayai kep no di nibou ndig dima huk-huk nyen i! Ade awak di dani noyam kin nsien di mai su kin auun he.