MAZMUR 42:2 - ALLAH NIHYET MEM TUNGWATU NYA

² Allah e, diyok dingon mem Na noyam kin rusa di nggok minyei di dut kep ninggobiausi.

MAZMUR 42:2 ပူးပေါင်းရင်းမြစ်များ

AYUB 23:3

Ayo! Handei kon ba, dikan tut mpia di Noni ningat rin eisi leu api duug ngat bidimbrap bit.

MAZMUR 27:4

Dahara tuhan mem mun nyeng gom ngat he ba, dillei sut bipia dibong ser tuhan De Ig tereu nok ditde nghim nsi kikau ug bipek diyaijo ningwig honti. Miduun leu nide nikei-kau-keisi ei sirima bidahara Noni leu binhyepo Noni bie tut da.

MAZMUR 43:4

Allah e, mpe dima lene midingkwei hanyen bidiya kui Ade nimbar hum dok lewo Nani ne nibousi mem dingon nggei-hi-nggeisi ri. Midikek ditde nggong mbrei bidipai doia bidibinggei sut Na lewo Nani ne ditde Allah ri.

MAZMUR 63:1

Doia Daud mpe di noni ningat rin ei iggum ndigsi Yehuda.

MAZMUR 63:3

Ma asindui sut ba, diyai bong kep Na tirigi Angat rin ei Ade Ig ba, dingat Ade nisindemti kin Ade nikei-kau-keisi cem bou diyai him.

MAZMUR 84:10

Allah e, ma anjei mun di kei bak nyende nibou ndig. Ma aya srak ko hagau no di adimig ei su.

MAZMUR 84:2

Allah Di Sindem Bibor e, dingon ngakei Ade ig di abong ser dima nindig bibor!

MAZMUR 84:4

Ditde Allah kin tuhan Di Sindem Bibor di anyeng tak kep da e, minsit nya itot yaham ba, hacincau nya itot iban leu api ibep idinggwei nya dideu Ade nimbar hum dok nya.

MAZMUR 84:7

Tirigi yoni imbut ug ei Mbang Biei Balsem lene mpia dima luei nitta binok minyei bousi mien mang bibor tug hon mpia di but bibie tut mun di kei.

NEHEI LEUSI 23:17

Suar pinai Israel yahagom ikwei kuk yok biDa mem nibon midut ninyeng ningai dini bikwop ari bingwam hagom lewo Dani ne tuhan ba, dinok jide Allah ri.

YESAYA 26:8

Nibit Na di tuhan Ade nikos tutti nya ba, niyok ningon mem Na. Nani ne No di nikon ninyeng kin No di nijoi sut ri.

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

DANIEL 6:26

Gima ngwig lene Nibou Ndig Darius pas srat nimeng gom bak timiei minu nya kin mben nya kin gi imbrap ighyet hiter nya ei dihyeisi dini hagom bipai biyok “Jahagom jicem o!

YOHANES 5:26

Nicig ne niyaijo nijep nibousi ri. Nicig bindei ba, Nipmot cem nok niyaijo nijep nibousi.

YOHANES 7:37

Ei njap ningwig honti di bon ninyeng mem Njap Ndig Ig Jibei Mpam Meng lene Yesus kiju biya leu api ba nihyet nindig bahara “Ma no di nggobiau kwei ndam Da bidut minyei.

TESALONIKA GI NIGOM 1:9

Lewo yo dima itri tut binye bipia nipou jiya um nye tirigi nihwou ngat je ba, jikiek je leu kwar nya leu binhyepo jinok awak mem Allah di Nijit di nok nibousi mem niyaijo nijep ba,

YOSUA 3:10

Tirigi sindi jicoi ug ei minu dima lene tuhan mihwen mben Kanaan kin mben Het kin mben Hewi kin mben Feris kin mben Girgasi kin mben Amori kin mben Yebus yahagom bingwig sindam ei joho bei. Apino mijo nibreisi mem je bipia tuhan di niyaijo Ningat rin ei jikieti,

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,