MAZMUR 40:11 - ALLAH NIHYET MEM TUNGWATU NYA

¹¹ Diku dihyet tut angon gomti kin Ade niteu yok leu sisarti bijo nding ei dingonti bi. Noro ditri tut Ade nimpu nyeti kin angon gomti bijo ninno bijo kikau. Tirigi Ade limwa nya imbus yam ei ne dikimut duhui bi noro ditri tut angon ngakei nyeti kin angon gom tut nyeti biyok.

MAZMUR 40:11 ပူးပေါင်းရင်းမြစ်များ

MAZMUR 23:6

Dikan tut bipia asingat tut da ba, angondut da kikau mem diyaijo nijeisi leu api midibong ser Ade Ig tereu nok ditde nghim nsi kikau ug bipek diyaijo ningwig honti.

MAZMUR 43:3

Akes angon gomti bijo ei nibreisi nok ninjeng di piga digai puig bibie tut da leu binhyepo dibingkwei hanyen ug ei Sion di nok Ade nungug tou di adimig ei bikwes-kwau ba, ug ei Ade Ig di abong ser cem.

MAZMUR 57:3

Dahara Allah Di Ninyeng Jei Bibor di yai nibou tut mun nyeng hagom di disuar nya.

MAZMUR 61:7

Dijoi sut gima nibou ndig de njap jei ba, niyaijo bingat nintun him noni nya bou niyai him.

MAZMUR 69:13

Ikkin kep dinghapti kak simpak ba, yo di pes pu yok nya iba doia di kinei bikiek da.

MAZMUR 69:16

Ma asindui sut ba, minyei di su mihwen da bikot da ei minyei jou bibindei ba, dinnei kimbas buug ei jui nimai nya ide au.

MAZMUR 85:10

Ningat ne Noni tindei ser nituti tirigi Noni teu yo di ittin tut Noni bingwes ngun. Allah Di Ninyeng Jei miningat rin bit nye ei ide minu.

MAZMUR 89:2

tuhan e, midiba doia bikiek angon ngakei nyeti di ug hon nohonti bi ba, miditri tut angon gomti bikwop mmun-njap bijo ninno bijo kikau.

NIPINGOK NINGONTI 20:28

Gino nibou ndig ngondut limwa nya ba, ningon gom tut yok ba, ningon sren tut yok cem lene ninyeng mitak kep yok kikau ug bipek niyaijo ningwig honti.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.