MAZMUR 39:6 - ALLAH NIHYET MEM TUNGWATU NYA

⁶ Ayo! Akos tut bipia ditde njap cun bibor. Ditde njap nijeisi bon ninyeng ei ayai him bi. Ningat ne tungwatu nya idem kep ninnei di tau nuhwap nsi he.

MAZMUR 39:6 ပူးပေါင်းရင်းမြစ်များ

AYUB 14:1

Nyeni inghuisi mbriong ba, isindem bi mpe di po isrek kikau kwei bipek ammani kep. Mun di buhun bibor tak kep nye mem nijam di igyaijo cun bibor.

AYUB 7:16

Dinghuisi jet ba, dingon kou diyaijoti dini bidingon llei ndam dimaisi hak ug. Ma asindui sut ba, digwam bidangkom lewo diyaijoti dini bon ninyeng mem da bu bi.

AYUB 7:7

Allah e, ma ayok ngon kep bipia diyaijoti noyam kin ninnei di ihi ei ihwap nsi he. Dingon nggei-hi-nggeisi pror leu da bibon niceti di mijo bi sren.

MAZMUR 127:2

Yo di ikiju mem ha yausi bigyai kep ide midyai nya nok ayoi hum ngum kikau ug bipek mmun mau yahagom igyai gima mikui-kausi. Lewo tuhan tin ei mun di Nide limwa di ningon ngakei yok isuar nya mem yok tirigi yoni ibong mai yo.

MAZMUR 144:4

No dima dem kep ninnei di tau nuhwap nsi kin ningwes di kigyei he.

MAZMUR 89:48

Ma akan kep bipia jei bi ne dimai ba, apai tes nye di tungwatu biniyaijo kikau bi.

NIPINGOK NINGONTI 13:22

No di ningon kwes kei mibindei ba, nignyon bat nya iba yokep nide ndigban noro yo di ingon sren nya iba yokep ndigban di yo di ibon sisar inju ei mem yonti.

NIPINGOK NINGONTI 23:5

Lewo bon mun di anyeng tut dima hagom ngwig kros leu na dem kep nok mun di ninyehei ntun him ba, nok hacam krubri di mba ug ei mpia-bbed him bihigom cem.

NIPINGOK NINGONTI 27:24

Lewo ndigban di tungwatu nya inyeng tut nya jo binghig bi ba, noyam kin nibou ndig nide ninyeng tak kep limwati di jo ninno bijo kikau bi.

NIBA NINGON SRIP HUKTI 1:14

Dingat tungwatu nya ide niyai munti di igyai kep ei dihyei njek dip dini hagom tu. Ma jiyok ngon kep bipia mun dima ne mun di bit bon ingon dorti tut kan bi rin ba, dem kep nok niyon igkep hou nimig.

NIBA NINGON SRIP HUKTI 11:10

Ma acom ningon bos-bos nyenti kin ningon buhunti leu angon bei hak ug. Lewo nijam di apilei minjiriek na haninyai yo.

NIBA NINGON SRIP HUKTI 12:13

Tirigi dibinai sut hagom bidem leu lene nirop ninda ndigsi cuk nye “Ma jittin tut Allah Nongkom bijibit nicukti nya hagom. Lewo gima ne Allah ningon kanti mem nye di tungwatu nya tirigi Noni pai tes nye ri.”

NIBA NINGON SRIP HUKTI 12:8

Gima rino dimbrap gi ningwig honti “Mun dima yok hagom mikui-kausi he. Hagom bon nisinati ba, ingon dorti tut cem bi.”

NIBA NINGON SRIP HUKTI 2:26

Allah yai ningon kiti kin nintin kimboti kin ningon nggei-hi-nggeisi bak no di pwoi Allah ningona. Noro Noni cuk yo di ibon sisar nya igyai midyai ba, inggok njita bigyai ningat keyam kui ig gudan mem gima ikes bak no di pwoi Allah ningona. Gima hagom ne mun di bit bon dingon dorti tut kan bi rin ba, dem kep nok niyon igkep hou nimig.

NIBA NINGON SRIP HUKTI 2:8

Diba dinyeng biti perak kin mas di nibou ndig nya ibigo belasten gau ide minu bidem minu di dinyeng tak kep nya hagom. Nipai diun cig kin nipai diun pmem nya ipai doia nya ba, ibiyai dingon bikei. Diyai ditnem ndrim nya imang bibor bit leu dingut kanti.

NIBA NINGON SRIP HUKTI 5:14

Nyeni yahagom isrek kin inda ngwak. Tirigi imai bikes dihyeisi dini ei lene igittei mun di icom yahanggwap tut nya biyuug sut cem bi.

YESAYA 55:2

Nggon rino jiba jide mitiei bipek mun di jijoi sut bi i? Nggon rino jita jibou ei jide midyai di bindei ba, jingon kei bi nyati i? Ma jibit dicuk jeti nya apino mijiyem njita di kei bibor kei dor njiriek njita nindigsi nya hagom.

LUKAS 12:26

Gino jiyai nisindemti mem jiyai mun poi mien nok gima bi lene nggon rino jingon bos-bos nyen tut mun nyeng nindigsi nya i?

LUKAS 12:29

Gima rino ma jingon bos-bos nyen tut njita di jiyem kin ndia ngei di jidut au.

KORINTUS GI NIGOM 7:31

Ma yo di ibou ngwak sibui sut mun di mipror yon inyohou dimig igyaijoti tereu nok yo di ibou ngwak sibui eisi bi. Lewo jei bi ne dihyeisi dini bitut mun di joti nya ug hon nohonti ri!

YAKOBUS 4:14

Mei! Jikan tut mun di mipek kep mem je hak ei njap di hyep bi! Jiyaisi dem kep nok hum bre di ingat jei bi lene pren hanyen.

YAKOBUS 5:3

Prap yem jide mas kin perak di jinju kok yam ei hagom. Prap dima ne mun di bindo tut jidrui bou ngwakti kin jingon di mui ei njap ningwig honti rin ba, yem jinghuisi noyam kin hum di yem tungwatu nya.

PETRUS GI NIGOM 1:24

Bit leu nok gi ipas ei Allah nihyetti “Tungwatu dihyeisi dini hagom inok mintu-minta ba, inyeng di jei nya noyam kin mitou. Mintu-minta mui hak ba, mitou cem millet.

PETRUS GI NIGOM 5:7

Ma jikes mun di jingon bos-bos nyen tut hagom ei Allah ninghat dip lewo Noni nyohou je.