MAZMUR 39:12 - ALLAH NIHYET MEM TUNGWATU NYA

¹² Akes hukum ei tungwatu nya dip drek dip itunggweisi nya ba, ambas yok drek dip. Ba, abindei sar mun di bon ninyeng mem yok noyam kin cipo nibindei sarti. Ningat ne tungwatu nya idem kep ninnei di tau nuhwap nsi he.

MAZMUR 39:12 ပူးပေါင်းရင်းမြစ်များ

NITRITI 21:34

Gima ngwig lene noni bong ningkiaisi ei mben Filistin ide minu mem nijam di jei.

NITRITI 47:9

Leu api Yakub buhup “Ditde njap ug ei ari bingwam sratus gom ningot ningai tu ba, dibong-bong wai bidem dihyei ninjek dip. Noro mun di buhun bibor cut igkep da ba, gino ibinai didigup bat-didigai bat di ibong-bong wai ide njap kin ditde njap ne ditde niyaijoti cun ba, mpung tut mun di nggruk cem.”

SAMUEL GI NICAN 16:12

Mpaba tuhan mingig niyai kep mun di buhun di cut igkep da dini leu api miyai gi kei bida biluei nide nimbriom dati dima e?”

NIBOU NDIG NYA GI NICAN 20:5

bingkwei hanyen ndam Hizkia di ninyeng tak kep tuhan de limwa nya bitri tut tuhan nihyet di sok ei no dip bak “Dani ne tuhan Allah di adigai Daud kuk no bak ri. Ba, dimiap ade nadi bidingat ayai nggwei di kibor cem tu. Midibindei ba, akei hanyen leu api ug ei njap nitindur can bu lene akiju ba, aug coi Ditde ig ug ri.

NIBOHON MBEN ISRAEL GI NIGOM 29:15

tuhan e, akan tut bipia nidat nidigup bat-nidigai bat nyati lene nimbut kak puig dihyeisi dini noyam kin yo di sindi ikwei ei minu dini ba, ninok ngkiai nya cem. Nyeni niyaijo ei dihyeisi dini noyam kin mun ningwes hi di pren hanyen hak. Bit bon ningwes ngun leu nimai kan bi.

AYUB 13:28

Apino diyaijoti dem kep nok biei di nggun bikroi cem ba, noyam kin minghas di cipo kin ba, mpiei cem.

AYUB 16:20

Disut bat nya iba ighyet bicig da bipa tut da cem. Diba nipim bisau ndam Allah ba, dahara Noni bimpu da.

MAZMUR 102:1

No di um mun di nggruk bininghuisi jet-jop nso bak tuhan.

MAZMUR 116:3

Mpe di gom ne mun di buhun bibor cut igkep da bikat da ug ei nimai nya ikieti. Diyai ngkek ttin mun di micut igkep da ei jui nsi. Dinghuisi mpig sut bidingon pri tut kikau.

MAZMUR 119:19

Dingat rin ei dihyeisi dini lai-lai de. Gima rino ma aku Ade nicukti leu da au.

MAZMUR 119:54

Diba doia bikiek Ade nimbrap tutti nya mem ditde njap di jei bi ei dihyeisi dini.

MAZMUR 56:8

Allah e, abindei ba, ibiang ide sisar nibuhunti. Abindei sar yok tug hon Ade nigga biborti hak ug!

MAZMUR 90:9

Agga biborti bindei ba, nyeni niyaijo jei bi. Njap di nyeni niyaijo ei niti ngwig hon dem kep nok ninnei di nihi mbigom ngat.

IMAM NYA IDE MIDYAI 25:23

Harin dima jitri jide dihyei hanjop nsi nya bijibipek mitiei bihigom a. Lewo dihyei dima ne jide rin bi. Noro Allah nyeng tut dihyei dima. Jeni tereu nok ngkiai nya di timiei hi sindui sut ba, jiyai miai eisi he.

KORINTUS GI NICAN 5:6

Gima rino nyeni ingon ngkiem kikau. Ikan tut bipia gino ibong ser ingut di nok ig dihyeisi dini ne ingat rin ei minu ting leu ig di nyeni mibong ser bit Tuhan.

IBRANI 11:13

Yo dini yahagom iba ingon com Allah kikau ba, ibimai kep. Igyai mun di Allah preu ei mem yoni bi noro ingat mun dima yok hagom ei minu ting bipigo he. Ipai sut yonti bipia inok ngkiai nya kin yo di ibong-bong wai bidem minu ei dihyeisi dini.

IBRANI 5:7

Tirigi Yesus ningat rin ei dihyeisi dini lene Noni ba nihyet nindig bibor kin niyai nggwei di kibor bingat nadi bak Allah di sindem mem gima nyohou Noni leu binhyepo mai bi. Allah ngig nitingou mem nihyet lewo Yesus ba ningon di gom bikuk No bak Allah.

PETRUS GI NIGOM 1:17

Tirigi jingat nadi bak Allah lene jindat kep ninyeng Arigya. Noni mbus nggok tungwatu nya bibit leu nok yonti njem di Noni ngat bou niyai him bi. Noro buhup biyok bit leu nok igyai munti nya. Gima rino ma jiba jiyaijoti ei dihyeisi dini bikon Allah ninyeng.

PETRUS GI NIGOM 2:11

Disut bat di dingon kieti jen, jinok ngkiai nya cem yo di ibong bas cem ei dihyeisi dini. Gima rino dicuk je sindem bipia ma jisindui sut jide ningut kanti nya om kep je au. Lewo jingut kanti dima kon pran bit jingonti kikau.